សមាជិករបស់ក្លិបបាល់ទាត់ PSG តារាបាល់ទាត់ឆ្នើមប្រេស៊ីល Neymar Jr បានបង្ហាញចំណាប់អារម្មណ៍របស់គេនៅលើបណ្តាញសង្គម Twitter ថាបទចម្រៀងថ្មីដេលមានចំណងជើងថា «Pink Venom» របស់ក្រុមចម្រៀងនារី K-POP គឺ BLACKPINK ពិរោះ។
បទចម្រៀង Pink Venom ជាបទដែលជាប្រភេទតន្រ្តី Hip-Hop ដែលមានសម្លេងទាក់ត្រចៀកគួរឲ្យចង់ស្ដាប់ ប្លង់ថតក៏អស្ចារ្យ ជាមួយនឹងការរួមបញ្ចូលគ្នានៃអត្ថន័យបទចម្រៀងដ៏ប្លែកទៀតនោះ ក្រោយក្រុមនេះស្ងាត់ចេញបទរួមគ្នារយៈពេលជិត ២ ឆ្នាំ ពោលគឺតាំងពីឆ្នាំ ២០២០ មកម្ល៉េះ។
សម្រាប់រដូវកាលថ្មីនេះ Ligue 1 លីគកំពូលបារាំង 2022–23 ខ្សែប្រយុទ្ធ Neymar បង្ហាញទម្រង់លេងល្អគួរឲ្យកត់សម្គាល់ ក្រោមការដឹកនាំរបស់លោក Christophe Galtier ពោលគឺស៊ុតបញ្ចូលទី៥គ្រាប់ និងប៉ះឲ្យមិត្តរួមក្រុម Assist ៦លើក ជួយឲ្យ PSG ឈរកំពូលតារាង ដោយលេង៣ប្រកួត ឈ្នះទាំង៣ មាន៩ពិន្ទុពេញ៕
