នៅក្នុងពិធីបិទការប្រកួតលោកបណ្ឌិត អាំង សិរីពិសិដ្ឋ អគ្គលេខាធិការសហព័ន្ធកីឡាបាល់ទះកម្ពុជា បានឲ្យលើកឡើងថាក្រុមជម្រើសជាតិបាល់ទះកម្ពុជា នឹងប្រកួតមិត្តភាពជាមួយសិង្ហបុរី នៅថ្ងៃបើកឆាកពានរង្វាន់បាល់ទះសម្តេចតេជោ ហ៊ុនសែន ឆ្នាំ២០២២ ក្នុងខែតុលា ខាងមុខ។
លោកបណ្ឌិត បន្តទៀតថា៖«ក្រៅពីប្រកួតមិត្តភាពទល់នឹងសិង្ហបុរី ក្រុមជម្រើសជាតិបាល់ទះកម្ពុជាក៏មាន Tour ហោះចេញទៅប្រកួតនៅក្រៅប្រទេសដូចជាសិង្ហបុរី, វៀតណាម, ហ្វីលីពីន ឬក៏ ឥណ្ឌូនេស៊ី ដែលស្ថិតក្នុងគម្រោងផែនការរបស់សហព័ន្ធកីឡាបាល់ទះកម្ពុជា អាស្រ័យលើកញ្ចប់ថវិកា»។
អត្ថបទពាក់ព័ន្ធ៖ស៊ីហ្គេម៖ ថៃ ថា ក្រោយចាញ់កម្ពុជា ធ្វើឱ្យខ្លួនរកមិនមេដាយជាលើកដំបូង គិតពីឆ្នាំ១៩៨៣ មក
គោលបំណងនៃការប្រកួតមិត្តភាពអន្តរជាតិ គឺដើម្បីវាស់ស្ទង់គុណផលកីឡារបស់ក្រុមជម្រើសជាតិបាល់ទះកម្ពុជា ដកស្រង់យកបទពិសោធន៍ចាញ់ឈ្នះជារឿងមួយ ប៉ុន្តែយើងត្រូវរកចំណុចខ្វះខាតយកទៅកែឆ្នៃ ដើម្បីដំណើរឆ្ពោះទៅកីឡាស៊ីហ្គេមលើទី៣២ ដែលប្រទេសកម្ពុជាធ្វើជាម្ចាស់ផ្ទះ៕
