ក្រុមបាល់ទះម្ចាស់ផ្ទះជម្រើសជាតិនារីរបស់ថៃ បានរក្សាកំណត់ត្រាឈ្នះជើងឯកពានរង្វាន់បាល់ទះប្រចាំតំបន់អាស៊ាន 2022 ASEAN Grand Prix ជាលើកទី៣ ក្នុងប្រវត្តិសាស្រ្តរបស់ពានរង្វាន់មួយនេះ ក្រោយប្រកួតវិលជុំសន្សំពិន្ទុ ហើយទទួលបានពិន្ទុច្រើនជាងក្រុមភ្ញៀវ៣ផ្សេងទៀត។
ពានរង្វាន់ 2022 ASEAN Grand Prix មានក្រុមនារីក្នុងតំបន់ចំនួន៤ ប្រទេសចូលរួមប្រកួតប្រជែង ក្នុងនោះមានក្រុមហ្វីលីពីន,ឥណ្ឌូណេស៊ី,ថៃ និងវៀតណាម ដោយធ្វើឡើងនៅប្រទេស Nakhon Ratchasima ប្រទេសថៃ។
ជាលទ្ធផលនៃវគ្គសន្សំពិន្ទុវិលជុំ ដណ្តើមជើងឯកមាន៖
*៩ កញ្ញា ២០២២៖
-ឥណ្ឌូណេស៊ី ០-៣ វៀតណាម (២៣-២៥,១៩-២៥,៩-២៥)
-ថៃ ៣-០ ហ្វីលីពីន (២៥-១៧,២៥-២២,២៥-១២)
*១០ កញ្ញា ២០២២៖
-វៀតណាម ៣-០ ហ្វីលីពីន (២៥-១២,២៥-១៦,២៥-១៦)
-ឥណ្ឌូណេស៊ី ០-៣ ថៃ (២២-២៥,១៨-២៥,១៣-២៥)
*១១ កញ្ញា ២០២២៖
-ហ្វីលីពីន ០-៣ ឥណ្ឌូណេស៊ី (២៤-២៦,២២-២៥,២៣-២៥)
-ថៃ ៣-០ វៀតណាម (២៥-១៩,២៥-១៧,២៦-២៤)
ដូច្នេះជើងឯកបានទៅក្រុមថៃ មាន៩ពិន្ទុ ហើយវៀតណាម ឈ្នះជើងឯករង ខណៈឥណ្ឌូណេស៊ី ឈ្នះមេដាយសំរឹទ្ធិ ហើយហ្វីលីពីន ឈរលេខ៤។ ខាងក្រោមជាពានរង្វាន់ឯកត្តជន ដោយ៖
*Most Valuable Player៖ Pimpichaya Kokram (ថៃ)
*Best Setter៖ Pornpun Guedpard (ថៃ)
*Best Outside Spikers៖ Trần Thị Thanh Thúy (វៀតណាម) និង Ajcharaporn Kongyot (ថៃ)
*Best Middle Blockers៖ Nguyễn Thị Trinh (វៀតណាម) និង Tichakorn Boonlert (ថៃ)
*Best Opposite Spiker៖ Megawati Hangestri Pertiwi (ឥណ្ឌូណេស៊ី)
*Best Libero៖ Kyla Atienza (ហ្វីលីពីន)
ពានរង្វាន់ ASEAN Grand Prix បង្កើតឡើងដំបូងនៅឆ្នាំ២០១៩ ដោយមាន៤ប្រទេសចូលរួម ហើយកាលនោះប្រកួតចំនួន២ជើង ដោយក្រុមរបស់ថៃ ឈ្នះជើងឯកទាំង២ជើង។ នេះជាលើកទី២ហើយដែលសហព័ន្ធកីឡាបាល់ទះអាស៊ាន រៀបចំព្រឹត្តិការណ៍នេះ ស្របពេលដែរថៃ ឈ្នះជើងឯកទៀត៕
រូបភាព៖សហព័ន្ធកីឡាបាល់ទះថៃ