សមត្ថកិច្ចថៃចាប់ពលករខ្មែរលួចឆ្លងដែនខុសច្បាប់ចំនួន១៧នាក់បញ្ជូនមកកម្ពុជាវិញ

តម្រួតថៃបានចាប់ពលករខ្មែរលួចឆ្លងដែនខុសច្បាប់ចំនួន១៧នាក់ក្នុងទឹកដីស្រុកតា ព្រះយ៉ា ខេត្តស្រះកែវ ប្រទេសថៃនៅវេលាម៉ោងប្រហែល៣ទៀបភ្លឺ ថ្ងៃទី05 ខែមិថុនា ឆ្នាំ2021 រួចបញ្ជូនត្រឡប់មកកម្ពុជាវិញ។ក្នុងចំណោមអ្នកដែលត្រូវបានចាប់ខ្លួនមាន បុរស៩នាក់និងស្ត្រី០៨នាក់។

ការចាប់ខ្លួនពលករខ្មែរនេះធ្វើឡើងខណៈដែលពួកគេកំពុងលួចឆ្លងដែនចូលនៅបរិវេណបង្គោលឡាក់48 PTA 6037442955 ភូមិខៅ លូកឆាង ឃុំតា ព្រះយ៉ា ស្រុកតា ព្រះយ៉ា ខេត្តស្រះកែវ។

បើតាមសមត្ថកិច្ច ពលករខ្មែរទាំង17នាក់នោះបានប្រាប់តម្រួតថៃថា ធ្វើដំណើរពីប្រទេស    កម្ពុជា តាមច្រករបៀង ដោយមានមេខ្យល់នាំផ្លូវជនជាតិខ្មែរ នាំមកប្រគល់ឲ្យជនជាតិថៃ បំណងទៅធ្វើការនៅខេត្តឈុន បុរី និងខេត្ត សមុទ្រប្រាកាន។

សមត្ថកិច្ចថៃអនុវត្តតាមវិធានការសុខាភិបាល បន្ទាប់មកបានធ្វើកំណត់ហេតុចាប់ឃុំ និងបញ្ជូន ឲ្យត្រឡប់ទៅប្រទេសវិញ ឆ្លងតាមច្រកអូរបីជាន់ ក្នុងស្រុកអូរជ្រៅ ខេត្តបន្ទាយមានជ័យ៕

អត្ថបទ៖ប៉ោយប៉ែត