ព្រះនាងម្ចាស់តូច នរោត្តម ជេនណា ជាបុត្រីទី ២ របស់អ្នកអង្គម្ចាស់ នរោត្តម បុប្ផា និងជាព្រះរាជនត្តាក្សត្រីទួតរបស់ ព្រះបាទសម្តេចព្រះ នរោត្តម សីហនុ ព្រះបរមរតនកោដ្ឋ។ បច្ចុប្បន្នក្នុងវ័យត្រឹម ១០ឆ្នាំសោះ តែព្រះនាងម្ចាស់តូច កាន់តែមានព្រះឆោមលោមពណ៌ព្រះឆវីស្អាតទាក់ភ្នែក ហើយជាពិសេសនោះគឺសមត្ថភាពអាចធ្វើបានគ្រប់ទម្រង់សិល្បៈ ទាំងច្រៀង សម្ដែង រាំរបាំខ្មែរបុរាណ និង រាំចង្វាក់បរទេស កាន់តែជំរុញប្រជាប្រិយភាពរបស់ទ្រង់ឱ្យកាន់តែល្បីល្បាញខ្លាំងឡើង។
ព្រះនាងម្ចាស់តូចឆក់បានក្ដីស្រលាញ់ចេញពីបេះដូងអ្នកគាំទ្រព្រោះតែទ្រង់មានអត្តចរិតរួសរាយរាក់ទាក់ មិនប្រកាន់អត្តចរិតឆ្មើងឆ្មៃ ផ្ដល់ជូននូវភាពស្និទ្ធស្នាលដូចបងប្អូនចំពោះអ្នកគាំទ្រដោយមិនប្រកាន់វណ្ណៈឬឋានៈ ដែលកត្តាអស់ទាំងនេះបានធ្វើឱ្យអ្នកគាំទ្រស្រលាញ់ ចូលចិត្ត និងគោរពទ្រង់កាន់តែខ្លាំងឡើងជាដរាប។
ព្រះនាងម្ចាស់តូចបច្ចុប្បន្នតូចក្រៅអំពីច្រៀង សម្ដែង រាំចង្វាក់បុរាណសម័យ ទ្រង់ក៏ជាអ្នកស្រលាញ់នូវការថតបង្ហាញម៉ូដជាច្រើនផងដែរ តួយ៉ាងដូចជាថ្មីៗនេះ ព្រះនាងបានគ្រងនូវឈុតប្រពៃណីបុរាណខ្មែរចំនួនពីរឈុត ដោយថតបង្ហាញក្នុងឥរិយាបថផ្សេងៗ មើលឃើញហើយពិតជាស្អាត គួរឱ្យស្រលាញ់ខ្លាំង គន់កាន់តែយូរកាន់តែស្រស់ប្រៀបដូចជាទេពធីតាសួគ៌ាយាងចុះមកលេងឋានមនុស្សលោក រហូតអ្នកគាំទ្រជាច្រើនបានចូលទៅ Comment សរសើរពីរូបសម្រស់ដ៏សែនស្អាតប្រៀបបាននឹងស្រីក្រមុំពេញវ័យដូច្នោះដែរ។
គួរដឹងដែរថា រូបភាពដ៏ស្រស់ស្អាតទាំងអស់នេះ បានមកពីការរៀបចំយ៉ាងផ្ចិតផ្ចង់ដោយ Talent Management: Space Creative Marketing – SCM ផាត់មុខ Tata make up real ធ្វើសក់ ម៉ាដាម កលឈុត និង រូបភាពពី Love Studio Cambodia ៕
ចង់ដឹងថាសម្រស់ ព្រះនាងម្ចាស់តូច នរោត្តម ជេនណា ក្នុងឈុតសំលៀកបំពាក់បុរាណស្រស់ស្អាតយ៉ាងណានោះ សូមទស្សនារូបភាពខាងក្រោមនេះ៖
