នាង Paris Jackson ទទួលបានការចាប់អារម្មណ៍ពីមហាជនចំពោះជីវិតឯកជនរបស់នាងមួយរយៈធំកន្លងមកហើយ។ កូនស្រីអតីតស្ដេចចម្រៀងប៉ុបរូបនេះបានបញ្ចាំងរឿងរ៉ាវជីវិតឯកជនរបស់ខ្លួនលើ Facebook ជាសាច់រឿងបន្តភាគគ្នាពីមួយវគ្គទៅមួយវគ្គ ដែលធ្វើឱ្យអ្នកទស្សនា កាន់តែស្គាល់ពីនាង និង ដៃគូរបស់នាងគឺលោក Gabriel Glenn កាន់តែច្បាស់ថែមទៀត។
រឿងនេះបានចាប់ផ្ដើមបញ្ចាំងតាំងពី៤ឆ្នាំមុនមកម្ល៉េះ បន្តិចម្ដងៗអ្នកគាំទ្រកាន់តែឈ្លក់វង្វេងនិងចង់ដឹងពី Lifestyle របស់នាងឱ្យកាន់តែច្រើនថែមទៀត។ អ្នកគាំទ្រពេញចិត្តដែលនាងជាមនុស្សស្មោះត្រង់និងបង្ហាញឱ្យពួកគេឃើញពីពណ៌សំបុរពិតរបស់នាង។ នៅក្នុងភាគដំបូងនៃស៊េរីនេះ យុវតីវ័យ២៤ឆ្នាំ រូបនេះបាននិយាយដល់រឿងលើគ្រែរបស់ខ្លួន។
សម្រាប់ Paris នាងបានបង្ហាញថានាងជាខ្ទើ.យ ព្រោះតែនាងស្ថិតក្នុងស្ដង់ដារមួយដែលអាចមានដៃគូស្នេហាដោយមិនចាំបាច់កំណត់ភេទអ្វី? អាយុប៉ុណ្ណានោះឡើយ។ Paris ស្រលាញ់នរណាម្នាក់ដោយមិនកំណត់ភេទឡើយ ហើយនេះក៏ជាមូលហេតុដែលឪពុករបស់នាងអាចដឹងពីកូនស្រីតាំងពីនាងនៅតូចម្ល៉េះ។
នាងថែមទាំងធ្លាប់រំលឹកដល់ពាក្យលលេងរបស់ឪពុកដែលនិយាយពីរឿងនាងលួចស្រលាញ់ក្មេងស្រីដូចគ្នា។ សម្រាប់នាងមានអនុស្សាវរីយ៍ជ្រាលជ្រៅជាមួយនឹងឪពុក ខណៈដែលអ្នកផ្សេងមានរឿងច្រើនអាចនិយាយពីគាត់ ទាំងមុននិងក្រោយមរណភាពដ៏ទាន់ហន់របស់តារាចម្រៀងរូបនេះ។
រាប់ពីឆ្វេងទៅស្ដាំ Prince , Paris, និង Bigi Jackson
អនុស្សាវរីយដ៏ស្រស់ស្អាតដែល Paris ចងចាំអំពីឪពុករបស់នាង បានធ្វើឱ្យមនុស្សជាច្រើនបានស្គាល់ស៊ីជម្រៅពីភាពជាឪពុក តួនាទីដែលលោកស្រលាញ់ ប៉ុន្តែរក្សាទុកជាឯកជនភាពតាំងពីកូនៗនៅក្មេង។
គេតែងតែនិយាយថា ពេលវេលានឹងព្យាបាលរបួសផ្លូវចិត្ត ប៉ុន្តែការពិតវាមិនមែននោះទេ គ្រាន់តែអ្នកចាប់ផ្ដើមទម្លាប់នឹងការឈឺចាប់នោះប៉ុណ្ណោះ ខ្ញុំបានរស់នៅជាមួយនឹងជីវិតដែលចិត្តប្រាប់ថាមិនអីទេ ខ្ញុំគ្រាន់តែបាត់បង់វត្ថុម្យ៉ាងដែលធ្លាប់មានសារៈសំខាន់បំផុតក្នុងជីវិតខ្ញុំប៉ុណ្ណោះ។ ត្រូវតែដើរទៅមុខទៀត រឿងអាក្រក់ដែលកើតឡើងមិនជាអាក្រក់ដល់រឿងអាក្រក់ដែលកើតពីមុននោះទេ។ ដូច្នេះខ្ញុំប្រាកដជាអាចទប់ទល់បាន»។
Paris បានឆ្លងកាត់បញ្ហាជាច្រើនមិនថាធ្វើបាបខ្លួន និងប៉ុនប៉ងសម្លាប់ខ្លួន។ នេះមិនមែនជាលើកទីមួយឡើយដេលនាងនិយាយពីបញ្ហាសុខភាពផ្លូវចិត្តប្រាប់ពិភពលោក តាមរយៈការសន្ទនាពីបញ្ហារបស់យុវជន។នាងធ្លាប់រួចជីវិតពីការបំពានផ្លូវភេទពីមនុស្សចម្លែក។ នាងបានចំណាយចិត្តកាយជាច្រើន ពេលនេះនាងបានរកឃើញសន្តិភាពនៃផ្លូវចិត្តហើយ។
