យោងតាមសេចក្ដីរាយការណ៍ពីសារព័ត៌មានថៃបានឲ្យដឹងថា Miss Grand Myanmar ឆ្នាំ២០២០ នាង Han Lay កំពុងស្ថិតនៅក្នុងអាកាសយានដ្ឋានសុវណ្ណភូមិរបស់ថៃ ក្នុងបរិវេណបន្ទប់ឃាត់ខ្លួនជនបរទេស ឬ IDC (Immigration Detention Center) ដែលជាទីតាំងពិសេសស្ថិតក្រោមការទទួលខុសត្រូវរបស់ការិយាល័យត្រួតពិនិត្យមនុស្សចូលក្នុងប្រទេស និងចាំឃាត់មនុស្សឆ្លងដែនចូលប្រទេសខុសច្បាប់ ដើម្បីត្រៀមបញ្ជូនត្រលប់ទៅប្រទេសដើមកំណើតវិញ ឬធ្វើដំណើរទៅកាន់ប្រទេសទីបី ដែលអាកាសយានដ្ឋានអន្តរជាតិក្នុងប្រទេសនានាក្នុងពិភពលោកសុទ្ធតែមាន។
«រយៈពេលដែល Miss Grand Myanmar ស្ថិតក្នុងបន្ទប់ឃាត់ខ្លួន តាមច្បាប់អន្តរជាតិ កំណត់ឲ្យក្រុមហ៊ុនអាកាសចរណ៍ដែលដឹកអ្នកដំណើរខុសច្បាប់ចូលមក ត្រូវទទួលខុសត្រូវ លើការចំណាយ ទាំងអស់របស់អ្នកដំណើររូបនោះរហូតដល់មានការបញ្ជូនខ្លួនត្រលប់ទៅប្រទេសវិញ ឬធ្វើដំណើរទៅប្រទេសទី៣»
សម្រាប់ករណីរបស់ Han Lay តាមការប៉ាន់ស្មាន អាចមកពីរដ្ឋាភិបាលមីយ៉ាន់ម៉ា ផ្អាកឬព្យួរលិខិតឆ្លងដែនរបស់នាង ទើបធ្វើឲ្យកញ្ញាឯករូបនេះមិនអាចធ្វើដំណើរចូលមកកាន់ប្រទេសថៃ ហើយត្រូវឃាត់ខ្លួនយ៉ាងដូច្នេះ៕
ប្រភព : irrawaddy, the vibes