ប្រទេសកាតារត្រូវបានជ្រើសរើសឱ្យរៀបចំការប្រកួតកីឡាអាស៊ីអាយុក្រោម២៣ឆ្នាំ AFC U-23 Asian Cup ឆ្នាំ២០២៤ ដែលជាព្រឹត្តិការណ៍ជម្រុះសម្រាប់ចូលរួមការប្រកួតកីឡាអូឡាំពិកនៅទីក្រុងប៉ារីស។
ប្រទេសមួយចំនួនដូចជាអ៊ីរ៉ង់ អ៊ូសបេគីស្ថាន អារ៉ាប៊ីសាអូឌីត និងអារ៉ាប់រួម សុទ្ធតែបានដាក់ពាក្យចូលរួមការប្រកួតនេះ ប៉ុន្តែគណៈកម្មាធិការប្រកួតប្រជែងរបស់សហព័ន្ធកីឡាបាល់ទាត់អាស៊ី (AFC) បានរកឃើញថាកាតារបានដាក់ការដេញថ្លៃដ៏គួរឱ្យទាក់ទាញបំផុត។
ប្រទេសកាតារ គ្រោងនឹងរៀបចំព្រឹត្តិការណ៍ FIFA World Cup នៅចុងឆ្នាំ ២០២២ នេះដែលជាព្រឹត្តិការណ៍ដ៏ធំបំផុតរបស់កីឡាបាល់ទាត់ត្រូវបាននាំយកទៅកាន់មជ្ឈិមបូព៌ា។
បច្ចុប្បន្នប្រទេសកាតារក៏កំពុងដេញថ្លៃធ្វើជាម្ចាស់ផ្ទះក្នុងព្រឹត្តិការណ៍ Asian Cup នៅឆ្នាំក្រោយផងដែរ ក្រោយប្រទេសចិនដកខ្លួនវិញដោយសារវិបត្តិកូវីដ-១៩៕
