សម្រាប់អ្នកពេញនិយមនិងតាមដានទស្សនាភាពយន្តភាគកូរ៉េច្បាស់ជារង់ចាំយ៉ាងអន្ទះសាឈុតឆាកតួឯកប្រុសស្រីបង្ហាញក្ដីស្រលាញ់តាមរយៈការថើបគ្នា ប៉ុន្តែសម្រាប់អត្ថបទដែលត្រយងលើកយកបង្ហាញនៅក្នុងពេលនេះមិនមែនជាឈុតថើបថ្ពាល់គ្នាធម្មតាៗនោះទេ តែជាឈុតឆាកថើបបបូរមាត់គ្នាបែបស៊ីជម្រៅ ក្ដៅគគុក លក្ខណៈថាអ្នកមានជំងឺខ្សោយបេះដូងមិនគួរទស្សនានោះទេ។
សូមចុចអាន៖ Netflix ត្រៀមលើកដៃ Bye-Bye ភាពយន្ត៥៣ រឿងក្នុងខែមិថុនានេះ!
យោងតាមគេហទំព័រ Popcorn បានជ្រើសរើសយកឈុតឆាកថើបដែលជាឈុតឆាកមួយអ្នកគាំទ្រនិងទស្សនាភាពយន្តភាគកូរ៉េរង់ចាំយ៉ាងអន្ទះសានោះដកស្រង់ចេញពីភាពយន្តភាគជាស៊េរីកូរ៉េចំនួន ៥ រួមមាន៖
១./ What’s Wrong With Secretary Kim (Park Seo Joon និង Park Min Young)
ភាពយន្តភាគជាស៊េរីបែបមនោសញ្ចេតនាលាយកំប្លែងដ៏ល្អមួយនេះ អ្នកណាមិនទាន់បានទស្សនាចាត់ទុកថាភ្លាត់ឱកាសមួយដ៏ធំ ព្រោះតួអង្គឯកទាំងប្រុសនិងស្រីគឺអាចនិយាយបានថាស៊ីចង្វាក់គ្នាបានយ៉ាងល្អ។ ឈុតឆាកដែលធ្វើឱ្យអ្នកទស្សនាអាចនឹងរមួលខ្លួននោះត្រង់ឈុតដែល លេខាគីម (សម្ដែងដោយ Park Min Young) ទៅរកលោកអគ្គនាយករង Lee Yong Joon ដែលសម្ដែងដោយ (Park Seo Joon) ហើយប្រាប់គេថាចង់នៅទីនេះជាមួយនឹងលោកអគ្គនាយករងពេញមួយយប់ បន្ទាប់ពីនោះឆាកថើបគ្នាដ៏សែនផ្អែមល្ហែមក៏ចាប់ផ្ដើមឡើង តែឈុតឆាកថើបនេះផ្ដើមពីផ្អែមល្ហែមល្ហែមរហូតដល់ក្ដៅគគុកធ្វើឱ្យអ្នកទស្សនាអាចនឹងអៀនមិនហ៊ានមើលក៏ថាបាន។
២./ Touch Your Heart (Lee Dong Wook និង Yoo In Na )
ឈុតឆាកនេះជាឆាកសម្ដែងមួយដែលអ្នកទាំងពីរចេញទៅដើរលេងជាមួយគ្នា ដោយចាប់ផ្ដើមពីត្រង់ Oh Yeon Seo (Yoo In Na) បង្រៀនវិធីបែរក្បាលពេលថើបគ្នាឱ្យទៅ Kwon Jeong Ruk (Lee Dong Wook)។ ដំបូងឡើយតួប្រុសខ្មាសតួស្រីតែក្រោយពីខ្មាសចប់ឈុតឆាកថើបគ្នាដ៏សែនរ៉ូមែនទិចនិងញាប់ញ័រក៏ចាប់ផ្ដើមឡើង។
៣./ When The Weather is Fine (Seo Kang Joon និង Park Min Young)
ភាពយន្តរ៉ូមែនទិកកក់ក្ដៅបេះដូងសម្រាប់អ្នកទស្សនានៅក្នុងរដូវត្រជាក់។ ឈុតឆាកថើបដែលដក់ជាប់ក្នុងអារម្មណ៍អ្នកទស្សនាកើតឡើងនៅក្នុងបន្ទប់របស់ Eun Seob (Seo Kang Joon) គេបានចាប់ផ្ដើមថត Hae Won ( Park Min Young) នារីតែម្នាក់គត់ដែលគេបាក់ចិត្តស្រលាញ់រហូតមក ឈុតថើបនេះគឺពោរពេញដោយភាពផ្អែមល្ហែមនិងអន្ទះអន្ទែងព្រោះភាគីខាងប្រុសបានបង្ហាញអារម្មណ៍ដែលលាក់កប់ក្នុងចិត្តយ៉ាងយូរ
៤./ World of Married (Park Hae Jun និង Kim Hee Ae)
ឈុតឆាកនេះគឺការត្រលប់មកវិញ អារម្មណ៍អាឡោះអាល័យស្នេហាចាស់របស់ Tae Oh (Park Hae Joon) និង Seon Oh ( Kim Hee Ae) ។ អតីតគូស្នេហ៍ទាំងពីរបានបែកគ្នាបែបមិនមានសល់អនុស្សាវរីយ៍ល្អៗឱ្យស្រណោះ តែអារម្មណ៍ដែលមានចំពោះគ្នានៅស្ថិតជាប់ក្នុងបេះដូង ធ្វើឱ្យអ្នកទាំងពីរប្រព្រឹត្តិរឿងដែលមិនគួរធ្វើ។
៥./ Flower Of Evil (Lee Jun Ki និង Moon Chae Won)
ភាពយន្តភាគមនោសញ្ចេតនាបែបស៊ើបអង្កេតដែលធ្វើឱ្យអ្នកទស្សនាចង់តាមដានតាំងពីភាគដំបូង។ តើនឹងមានអ្វីកើតឡើងប្រសិនបើអ្នកសង្ស័យថាស្វាមីខ្លួនអាចជាឃាតករឬមានចំណែកក្នុងរឿងក្ដីឃាតកម្មជាបន្តបន្ទាប់ ជាពិសេសអ្នកកំពុងតែរស់នៅក្នុងរូបភាពបោកប្រាស់នៃជីវិតអាពាហ៍ពិពាហ៍ជាង១០ឆ្នាំ។ Cha Ji Won (Moon Chae Won) មន្ត្រីនគរបាលដែលទើបនឹងបានដឹងរឿងរ៉ាវអាថ៌កំបាំងរបស់ស្វាមីខ្លួនគឺ Baek Hee Sung ( Lee Jun Ki) ព្យាយាមលាក់បាំងរហូតមក។ រឿងនេះតួអង្គទាំងពីរត្រូវសម្ដែងជាស្វាមីភរិយានឹងគ្នាដូច្នេះ ត្រូវតែមានឈុតឆាកស្និទ្ធស្នាលដើម្បីឱ្យមើលទៅប្រៀបដូចជាគូជីវិតនឹងគ្នាពិតប្រាកដ។
