ក្រុមបាល់ទះរដ្ឋបាលរាជធានីភ្នំពេញ និងក្រុមបាល់ទះរដ្ឋបាលខេត្តព្រះសីហនុ សុទ្ធតែបានយកឈ្នះលើគូប្រកួតដូចគ្នា ក្នុងវគ្គសន្សំពិន្ទុ តាមពូលនៃពានរង្វាន់បាល់ទះសម្តេចអគ្គមហាសេនាបតីតេជោ ហ៊ុន សែន ឆ្នាំ២០២២ នៅយប់ថ្ងៃអង្គារ ទី១៨ ខែតុលា ឆ្នាំ២០២២ នេះលើទីលានបាល់ទះកីឡដ្ឋានព្រីនស៍។
លទ្ធផលសរុបកាលពីម្សិលមិញមាន៖
-ពូល A ស្នងការដ្ឋាន ន.ប ខេត្តបាត់ដំបង ០-៣ រដ្ឋបាលរាជធានីភ្នំពេញ (១០-២៥,១៥-២៥,១៥-២៥)
-ពូល C រដ្ឋបាលខេត្តព្រះសីហនុ ៣-០ កងពលធំអន្តរាគមន៍លេខ៣ (២៥-២០,២៥-១៧,២៥-២០)
សម្រាប់ប្រកួតបន្តនៅល្ងាចថ្ងៃពុធ ទី១៩ ខែតុលា ឆ្នាំ២០២២៖
ពូល A ម៉ោង៥ល្ងាច ក្លិបបាល់ទះកូននាគឧត្តរ ប្រកួតជាមួយ ក្លិបរដ្ឋបាលខេត្តព្រះសីហនុ
ពូល C ម៉ោង៧យប់ សមាគមបាល់ទះវិសាខា ប្រកួតជាមួយ ស្នងការដ្ឋាននគរបាលខេត្តបាត់ដំបង
សូមបញ្ជាក់ថាពានរង្វាន់បាល់ទះសម្តេចតេជោ ហ៊ុន សែន ឆ្នាំ២០២២ មានក្រុមចំនួន ១១ ក្រុម ចាប់ឆ្នោតបែងចែកជា៤ពូល ៖
ពូល A៖ រដ្ឋបាលរាជធានីភ្នំពេញ, សមាគមបាល់ទះវិសាខា, ស្នងការដ្ឋាននគរបាលខេត្តបាត់ដំបង
ពូល B៖ បញ្ជាការដ្ឋានកងអង្គរក្ស, ស្នងការដ្ឋាននគរបាលខេត្តត្បូងឃ្មុំ, ស្នងការនគរបាលខេត្តសៀមរាប
ពូល C៖ ក្លិបកងពលធំអន្តរាគមន៍លេខ៣, ក្លិបកូននាគឧត្តរ, ស្នងការដ្ឋាននគរបាលខេត្តព្រះសីហនុ
ពូល D៖ សមាគមបាល់ទះក្រសួងមហាផ្ទៃ, ស្នងការដ្ឋាននគរបាលខេត្តស្វាយរៀង។
ការប្រកួតដណ្តើមពានរង្វាន់សម្តេចតេជោ ហ៊ុន សែន នេះរៀបចំប្រកួតពីថ្ងៃ ១៥ ដល់ថ្ងៃទី៣០ខែតុលា ឆ្នាំ២០២២ នៅកីឡដ្ឋានព្រីនស៍ (ម្តុំហ្រ្គេនភ្នំពេញ) ព្រមទាំងមានផ្សាយផ្ទាល់ដោយសារព័ត៌មានត្រយង ផងដែរ។
សម្រាប់ក្រុមជ័យលាភីវិញនឹងទទួលបានដូចជា៖
–ក្រុមជើងឯក៖ ពានរង្វាន់ធំ១ មេដាយមាសម្នាក់១ អមដោយថវិកា១ម៉ឺនដុល្លារ
–ជើងឯករង៖ មេដាយប្រាក់ម្នាក់១ អមដោយថវិកា៥ពាន់ដុល្លារ
–លេខ៣៖ មេដាយសំរឹទ្ធិ ម្នាក់១ អមដោយថវិកា៣ពាន់ដុល្លារ
–លេខ៤៖ ថវិកា ២ពាន់ដុល្លារ៕
