កាលពីថ្ងៃទី១៨ ខែតុលា ប្រធានក្រុម BTS គឺ RM បានចែករំលែកសារនៅលើ Instagram ផ្ទាល់ខ្លួនដោយភ្ជាប់ជាមួយនឹងរូបថតហាត់យូហ្គារួមនឹងមិត្តរួមដូចជា V និង Suga។ រូបថតដែលលោកបានបង្ហោះនោះមានភ្ជាប់ Caption ថា «ធ្វើអីចឹងត្រូវទេ?» ដោយក្នុងនោះមានរូប RM និងមិត្តរួមក្រុមដៃតោងស្បៃពណ៌ស្វាយហោះផុតជើងពីដី។
រូបភាពនេះត្រូវបានបង្ហោះនៅលើ IG របស់ RM ក្រោយពេលដែល Hybe បានប្រកាសជាផ្លូវការថាសមាជិកចាស់ជាងគេរបស់ក្រុមគឺ Jin នឹងចូលបំពេញកាតព្វកិច្ចយោធាឆាប់ៗនេះ។
ផលិតកម្ម Hybe បានប្រកាសថា៖ «សមាជិក BTS ទាំងអស់បានរៀបចំផែនការយ៉ាងម៉ត់ចត់ដើម្បីត្រៀមខ្លួនបំពេញកាតព្វកិច្ចយោធា។ Jin បានសម្រេចចិត្តលុបចោលការចូលបំពេញការតព្វកិច្ចយោធានៅចុងខែតុលានេះ ហើយអនុវត្តតាមនីតិវិធីបំពេញកាតព្វកិច្ចយោធាតាមរយៈ រដ្ឋបាលយោធាវិញ។ ដោយឡែកសមាជិកទាំងអស់របស់ BTS ក៏នឹងបំពេញការតព្វកិច្ចយោធាបន្តបន្ទាប់គ្នាផងដែរ៕
ប្រភព៖ DIPE.CO.KR