កាលពីថ្ងៃទី១២ ខែ មិថុនា ម្សិលមិញនេះ សិល្បករជើងចាស់ចំនួន៣រូបដែលមានសុខភាពខ្សោយដោយសារមានជំងឺប្រចាំកាយ និងមានជីវភាពខ្វះខាតបានទទួលអំណោយឧបត្ថម្ភពីមូលនិធិសិល្បករចាស់ជរានៃសមាគមមិត្តសិល្បៈស្ម័គ្រចិត្តជួយសង្គម។
សូមចុចអាន តារាកំប្លែងវ័យចំណាស់៤រូបមានជំងឺប្រចាំកាយនិងជីវភាពខ្វះខាតបានទទួលអំណោយឧបត្ថម្ភ!
សិល្បករទាំង៣រូបដែលទទួលបានអំណាយឧបត្ថម្ភជាអង្ករនិងទឹកប្រាក់រួមមាន៖
១.តារាចម្រៀងជើងចាស់លោកតា នូ ស៊ិប ដែលបច្ចុប្បន្នកំពុងមានជំងឺសរសៃរមួល និងជីវភាពខ្វះខាត។
២.តារាសម្តែងជើងចាស់អ្នក អ៊ឹម ផល្លា ដែលមានជំងឺស្រុតឆ្អឹងខ្នង និងជីវភាពខ្វះខាត។
៣.តារាកំប្លែងជើងចាស់លោកយាយ អឿន ដែលមានប្រចាំកាយគឺជំងឺបេះដូង និងសន្លាក់។
ទឹកប្រាក់ឧបត្ថម្ភនិងអំណោយទាំងអស់នេះគឺបានមកពីការជួយជ្រោមជ្រែងពីសំណាក់សម្តេចតេជោ ហ៊ុន សែន និង សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ដែលបានឧបត្ថម្ភថវិកា ៥ ម៉ឺនដុល្លារ ក្នុង១ឆ្នាំ ក្នុងរយ:ពេល ៥ឆ្នាំ ដល់សមាគមក្នុងការប្រើប្រាស់លើកិច្ចការងារទ្រទ្រង់ដល់សិល្បករចាស់ជរា។ ក្នុងនោះដែរអ្នកឧកញ៉ា លាង ឃុន អគ្គនាយកក្រុមហ៊ុន ជីប ម៉ុង ក៏បានឧបត្ថម្ភទឹកប្រាក់ ៥ម៉ឺនដុល្លារ ក្នុង១ឆ្នាំ ក្នុងរយ:ពេល ៥ឆ្នាំ ដើម្បីទ្រទ្រង់ដល់សិល្បករចាស់ជរា ខណៈអ្នកឧកញ៉ា ហុង ពីវ អគ្គនាយក បុរីពិភពថ្មីបានឧបត្ថម្ភថវិកា ៥ ម៉ឺនដុល្លារ ក្នុង ១ឆ្នាំ ក្នុងរយ:ពេល ៥ឆ្នាំ ដើម្បីទ្រទ្រង់ដល់សិល្បករចាស់ជរាដូចគ្នា៕
