វីរកីឡាការិនី ខាន់ ចេសា (Khan Jessa) បានយកឈ្នះជើងខ្លាំងសហរដ្ឋអាមេរិក Kaori Hernandez កាលពីរសៀលថ្ងៃសៅរ៍ ទី១៩ ខែវិច្ឆិកានេះ នៅសហរដ្ឋអាមេរិកក្នុងព្រឹត្តិការណ៍ IBJJF Absolute Grand Prix 2022 ដែលរៀបចំដោយសហព័ន្ធកីឡាជូជិតស៊ូពិភពលោក។
ចំណាត់ថ្នាក់នេះ នឹងបូកបញ្ចូលពិន្ទុបន្ថែម ដែលអាចជួយឲ្យកីឡាការិនី ខាន់ ចេសា រំកិលពីចំណាត់ថ្នាក់លេខ៣លើពិភពលោក ទៅកាន់ចំណាត់ថ្នាក់លេខ១ ឬលេខ២ ពិភពលោកផងដែរ។
នេះគឺស្នាដៃបន្ថែមទៀតរបស់កីឡាការិនី ខាន់ ចេសា ពោលគឺ១៧ថ្ងៃគត់បន្ទាប់ពីយកឈ្នះកីឡាការិនីអេស្ប៉ាញ Matthew Martin Naiomi Anaiansi នៅវគ្គផ្តាច់ព្រ័ត្រ លើវិញ្ញាសាជឺជីតស៊ូ (Newaza) ទម្ងន់ក្រោម៥២គីឡូក្រាម ក្នុងព្រឹត្តិការណ៍ប្រកួតពានរង្វាន់កីឡាជឺជីតស៊ូជើងឯកពិភពលោក JU-JITSU WORLD CHAMPIONSHIP 2022 នៅទីក្រុងអាប៊ុយដាប៊ី ប្រទេសអេមីរ៉ាតអារ៉ាប់រួម៕