ម៉ានីល៖ សេវាសង្គ្រោះបន្ទាន់ បាននិយាយកាលពីថ្ងៃអាទិត្យ សប្ដាហ៍នេះថា មនុស្ស៥នាក់ រួមទាំងកុមារអាយុ៤ឆ្នាំម្នាក់ ត្រូវបានសម្លាប់នៅក្នុងការផ្ទុះដ៏ធំមួយនៅឯឃ្លាំងផលិតផាវ និងកាំជ្រួច នៅភាគខាងត្បូងប្រទេសហ្វីលីពីន។ នេះបើយោងតាមការចេញផ្សាយដោយសារព័ត៌មាន CNA នាថ្ងៃចន្ទ ទី១ ខែកក្កដា ឆ្នាំ២០២៤។
![](https://cdn.troryorng.com/wp-content/uploads/2024/07/01103245/1.jpg)
![](https://cdn.troryorng.com/wp-content/uploads/2024/07/01103310/806x378-five-dead-38-injured-in-philippines-firecracker-depot-blast-1719734697151.jpeg)
![](https://cdn.troryorng.com/wp-content/uploads/2024/07/01103315/2.jpg)
អ្នកស៊ើបអង្កេតករណីគ្រោះអគ្គិភ័យ លោក Luigi Chan បានប្រាប់ AFP ថា ការបំផ្ទុះនៅរសៀលថ្ងៃសៅរ៍ នៅឯទីតាំងផលិតផាវ និងកាំជ្រួច មួយកន្លែង ទីក្រុង Zamboanga បានឆាបឆេះជាអណ្ដាតភ្លើងយ៉ាងខ្លាំង ដោយបញ្ចេញផ្សែងផេះ ចូលទៅក្នុងអគារ និងផ្ទះសម្បែងនៅក្បែរនោះ។
![](https://cdn.troryorng.com/wp-content/uploads/2024/07/01103331/367221-1024x461.jpg)
![](https://cdn.troryorng.com/wp-content/uploads/2024/07/01103341/367225-1024x461.jpg)
![](https://cdn.troryorng.com/wp-content/uploads/2024/07/01103349/image-197576-1719721408.jpg)
ការិយាល័យគ្រោះមហន្តរាយទីក្រុង បានបញ្ជាក់ពីចំនួនអ្នកស្លាប់ ចំនួន៥នាក់ ដោយក្នុងនោះមានកុមារអាយុ ៤ឆ្នាំម្នាក់ ដែលជាកូនរបស់កម្មករបម្រើការងារក្នុងឃ្លាំងខាងលើ ហើយបានបន្ថែមថា មនុស្ស ៣៨នាក់ផ្សេងទៀតបានរងរបួសក្នុងឧបទ្ទវហេតុនេះ ដោយក្នុងនោះមានមនុស្ស ៨នាក់របួសធ្ងន់។
![](https://cdn.troryorng.com/wp-content/uploads/2024/07/01103400/zamboa-fire-750x420-1.jpg)
![](https://cdn.troryorng.com/wp-content/uploads/2024/07/01103409/3.jpg)
ទាក់ទិននឹងបញ្ហានេះ អាជ្ញាធរបាននិយាយថា ពួកគេកំពុងស៊ើបអង្កេតរកមូលហេតុនៃការផ្ទុះដែលផុងខុងដីទំហំ ២០ម៉ែត្រ ដ៏សាហាវមួយនេះ៕
![](https://cdn.troryorng.com/wp-content/uploads/2024/04/27142737/Troryorng-Telegram-1-1024x126-1-1-1-1.jpg)