បវរកញ្ញាភេទទីបីដ៏ស្រស់សោភាចំនួន២រូប របស់ព្រះរាជាណាចក្រកម្ពុជាគឺកញ្ញា Saifhon (សៃហ្វុន) និងកញ្ញា Hani (ហានី) នឹងក្លាយជាបេក្ខនារីតំណាងកម្ពុជា ក្នុងព្រឹត្តិការណ៍ប្រកួតចំនួនពីរគឺ Miss International Queen 2021 និង Miss Diva International 2021។
សូមចុចអាន៖ មិនបានជាប់ Top 21 តែ រ៉េត សារីតាបានជាប់ Number… ក្នុងបេះដូងអ្នកគាំទ្រ!
យោងតាមគណនីហ្វេសប៊ុក លោក ម៉ែន និមលរតន៍ ជានាយកប្រតិបត្តិក្រុមហ៊ុនបង្ហាញម៉ូដ CIM បានឱ្យដឹងថា កញ្ញាឯកចំណាត់ថ្នាក់លេខ១ កម្មវិធី Miss Queen Cambodia 2020 កញ្ញា Saifhon នឹងតំណាងកម្ពុជាទៅចូលរួមប្រកួតនៅប្រទេសថៃនៅក្នុងកម្មវិធី Miss International Queen 2021 លើកទី១៦ ដែលកម្មវិធីប្រកួតនេះនឹងប្រារព្ធឡើងនៅ ប៉ាត់តាយ៉ា ខេត្ត ឈុនបុរី ព្រះរាជាណាចក្រថៃ។
ខណៈកញ្ញា Hani រងជើងឯកកម្មវិធី Miss Queen Cambodia 2020 ត្រូវបានជ្រើសតាំងជា Miss Diva Cambodia 2021 ហើយតំណាងឱ្យព្រះរាជាណាចក្រកម្ពុជា ទៅចូលរួមប្រកួតនៅក្នុងការប្រកួត Miss Diva International 2021 នៅក្នុងទីក្រុងសៃហ្គន ប្រទេសវៀតណាម នាខែកញ្ញា ខាងមុខនេះ។
គួរដឹងផងដែរថា បេក្ខនារីម្ចាស់ជយលាភី Miss International Queen ឆ្នាំមុន គឺបានទៅលើបេក្ខនារីមកពីប្រទេសម៉ិកស៊ិកឈ្មោះ Valentina Fluchaire។ ឆ្នាំនេះកម្មវិធី Miss International Queen 2021 មានប្រទេសចំនួន១៥ រួមទាំងប្រទេសកម្ពុជាយើងផងដែរ។
ចំពោះប្រិយមិត្តអ្នកគាំទ្រមានជាពាក្យពេចន៍អ្វីជូនពរចំពោះកញ្ញាដ៏សោភាទាំងពីររបស់កម្ពុជាយើងដែរទេ?