![](https://cdn.troryorng.com/wp-content/uploads/2022/12/28050255/321307304_2977977642498726_6317963570604017582_n-1024x683.jpg)
កីឡាករ Nguyen Cong Phuong នឹងផ្លាស់ទៅចូលរួមជាមួយក្រុម Yokohama FC ដែលជាសមាជិកថ្មីលីគកំពូលជប៉ុន J.League 1 ដោយគ្មានតម្លៃផ្ទេរ នៅរដូវកាលក្រោយ ២០២៣ បន្ទាប់ពីកុងត្រារបស់គេជាមួយក្រុម Hoang Anh Gia Lai សមាជិកលីគកំពូលវៀតណាមអស់សុពលភាព។
Nguyen Cong Phuong កើតនៅថ្ងៃទី២១ ខែមករា ឆ្នាំ១៩៩៥ ក្នុងខេត្ត Nghệ An ប្រទេសវៀតណាម បច្ចុប្បន្នមានវ័យ ២៧ឆ្នាំ កម្ពស់១.៦៨ម៉ែត្រ ជាថ្នាលយុវជនរបស់ Hoang Anh Gia Lai – Arsenal JMG លេងតំណែងជាខ្សែបម្រើប្រយុទ្ធ។
ជាមួយនឹងការផ្លាស់ទៅក្រុម Yokohama FC នៅរដូវកាលក្រោយ កីឡាករ Nguyen Cong Phuong ក្លាយជាកីឡាករវៀតណាមទី ២ ក្នុងប្រវត្តិសាស្ត្រដែលបានចុះកុងត្រាជាមួយក្លិប J1 League បន្ទាប់ពីមិត្តរួមក្រុមរបស់គេគឺអ្នកចាំទី Dang Van Lam បានចូលរួមជាមួយ Cerezo Osaka ក្នុងឆ្នាំ ២០២១។
![](https://cdn.troryorng.com/wp-content/uploads/2022/12/28050255/321670373_1853015968391270_8616328681718209978_n-1024x683.jpg)
កន្លងមក Nguyen Cong Phuong ក៏ធ្លាប់ប្រកបអាជីពនៅលីគបាល់ទាត់ប្រទេសជប៉ុនម្ដងដែល កាលពីឆ្នាំ ២០១៦ ជាមួយក្រុមលីគលំដាប់ទី២ Mito HollyHock ក្នុងលក្ខខណ្ឌខ្ចីជើង មុនចូលរួមជាមួយ Incheon United FC លីគកំពូលកូរ៉េ នៅឆ្នាំ ២០១៩។
នៅចុងឆ្នាំ ២០១៩ Nguyen Cong Phuong ផ្លាស់ទៅចូលរួមជាមួយ Sint-Truidense V.V លីគកំពូលបែលហ្ស៊ិក និងចុងក្រោយនៅឆ្នាំ ២០២០ ជាមួយក្រុម Ho Chi Minh City FC មុនផ្ទេរមកកាន់លីគកំពូលជប៉ុននៅឆ្នាំ ២០២៣។
ខណ:ក្នុងក្រុមជម្រើសជាតិវៀតណាម កីឡាករវ័យ២៧ឆ្នាំរូបនេះធ្លាប់ជាប់តាំងពីឈុត U19, U22 និង U23 តាំងពីឆ្នាំ ២០១៣ ខណ:ឈុតធ្លាប់ជាប់ដំបូងនៅឆ្នាំ ២០១៥ ដោយបង្ហាញខ្លួនសរុប ៥៤លើក ស៊ុតបញ្ចូលទីបាន ១១គ្រាប់៕
![](https://cdn.troryorng.com/wp-content/uploads/2022/12/28050253/tien-dao-nguyen-cong-phuong-va-su-ky-vong-cua-thay-park.jpg)
![](https://cdn.troryorng.com/wp-content/uploads/2022/12/28050254/cong-phuong-chan-thuong-769.jpg)
![](https://cdn.troryorng.com/wp-content/uploads/2022/12/28050253/Leenguyen-Congphuong.jpg)
![](https://cdn.troryorng.com/wp-content/uploads/2022/11/28061227/Troryorng-Telegram-1-1024x126-1-1.jpg)