![](https://cdn.troryorng.com/wp-content/uploads/2023/11/27190302/fgdgsdfg-1024x576.jpg)
ក្រុមកីឡាអេឡិចត្រូនិកតំណាងកម្ពុជា See You Soon បានចូលរួមប្រកួតព្រឹត្តិការណ៍ ONE Esports MPL Invitational 2023 នៅលើកទឹកនៃប្រទេសឥណ្ឌូណេស៊ី មាន ១៦ក្រុមចូលរួម ដែលរៀបចំឡើងដោយក្រុមហ៊ុន Moonton ចាប់ពីថ្ងៃទិ១៥ ដល់ថ្ងៃទី១៩ ខែវិច្ឆិកា ឆ្នាំ២០២៣។
ក្នុងចំនួបថ្ងៃបើកឆាកក្រុមកម្ពុជា See You Soon បានយកឈ្នះលើកក្រុម Team Flash តំណាងប្រទេសសិង្ហបុរី និងបរាជ័យក្រោមថ្វីដៃរបស់ក្រុម RSG ហ្វីលីពីន។
![](https://cdn.troryorng.com/wp-content/uploads/2023/11/27190301/454-1024x1024.jpg)
សម្រាប់កម្មវិធីប្រកួតនៅថ្ងៃទី១៦ ខែវិច្ឆិកា ឆ្នាំ២០២៣នេះ ក្រុមកម្ពុជា See You Soon នឹងត្រូវជួបក្រុមខ្លាំងរបស់ប្រទេសឥណ្ឌូណេស៊ី Rex Regum Qeon (RRQ) នៅម៉ោង ១១:០០នាទីយប់។
![](https://cdn.troryorng.com/wp-content/uploads/2023/11/27190300/rtyfgd-1024x1024.jpg)
ព្រឹត្តិការណ៍ ONE Esports MPL Invitational 2023 នឹងធ្វើការប្រកួតចាប់ពីថ្ងៃទី១៥ ដល់ថ្ងៃទី១៩ ខែវិច្ឆិកា ឆ្នាំ២០២៣ នៅក្នុងទីក្រុង ហ្សាកាតា ប្រទេសឥណ្ឌូណេស៊ី។ កម្មវិធីនេះ ធ្វើការរៀបចំដោយក្រុមហ៊ុន Moonton ខណ:ប្រាក់រង្វាន់សរុបទទួលបានរហូតដល់ ១០ម៉ឺនដុល្លារ។
ក្រុម SEE YOU SOON បានក្លាយជាម្ចាស់ជើងឯកព្រឹត្តិកាណ៍ប្រកួតកីឡាអេឡិចត្រូនិក 2023 MPL-KH Autumn Split លើវិញ្ញាសា Mobile Legends: Bang Bang រដូវកាលទី៥ ក្រោយយកឈ្នះក្រុម CFU GAMING នៅវគ្គផ្ដាច់ព្រ័ត្រ កាលពីថ្ងៃទី៨ ខែតុលា ឆ្នាំ២០២៣ នៅផ្សារទំនើប AEON MALL SEN SOK”។
![](https://cdn.troryorng.com/wp-content/uploads/2023/11/27190300/3434.jpg)
ការប្រកួតកីឡាអេឡិចត្រូនិក វិញ្ញាសា Mobile Legends: Bang Bang នៅក្នុងព្រឹត្តិការណ៍ ONE Esports MPL Invitational 2023 គឺជាលើកទី៤ ហើយនៅឆ្នាំនេះ ដោយលើកទី១ ឆ្នាំ២០២០ មិនមានក្រុមកម្ពុជាចូលរួម ឆ្នាំ២០២១ ក្រុម See You Soon ទទលបានចំណាត់ថ្នាក់លេខ៩ ឆ្នាំ២០២២ ក្រុម Burn X Flash ទទួលបានចំណាត់ថ្នាក់លេខ ១៣។
ជ័យជម្នះនេះបានធ្វើឲ្យក្រុម SEE YOU SOON មានឈ្មោះតំណាងកម្ពុជា ទៅចូលរួមប្រកួតក្នុងព្រឹត្តិការណ៍ជើងឯកពិភពលោក M5 World Championship ដែលគ្រោងធ្វើឡើងនៅប្រទេសម៉ាឡេស៊ី និងហ្វីលីពីន ចាប់ផ្ដើមពីថ្ងៃទី ២៣ ខែវិច្ឆិកា ដល់ថ្ងៃទី១៧ ខែធ្នូ ឆ្នាំ២០២៣៕
ក្រុមទាំង១៦ ចូលរួមប្រកួតព្រឹត្តិការណ៍ ONE Esports MPL Invitational 2023៖
![](https://cdn.troryorng.com/wp-content/uploads/2023/11/27190258/gbgbgbgg.jpg)
![](https://cdn.troryorng.com/wp-content/uploads/2023/09/27204114/Troryorng-Telegram-1-1024x126-1-1-1-1.jpg)