សិល្បៈជាតិ៖ រហូតមកដល់ពេលនេះ Miss Grand Siem Reap បានបង្ហោះរូបភាពបេក្ខនារីដាក់ពាក្យចូលរួមប្រកួតចំនួន ៥ រូបរួចហើយ ដែលសុទ្ធសឹងតែជារាជីនីសម្រស់ មានរូបរាងស្អាតស្រឡូន និងទ្រេមុខមើលទៅស្រស់សោទាក់ភ្នែកខ្លាំងមែន រហូតធ្វើឱ្យពិបាកចែកដាច់ថា ឆ្នាំនេះម្ចាស់មកុដនឹងបានទៅលើបេក្ខនារីរូបណា?
ប៉ុន្តែមិនអស់ត្រឹមនេះទេ Miss Grand Siem Reap បានទទួលពាក្យពីបេក្ខភាពជាច្រើនរូបផ្សេងទៀតដែលបានដាក់ពាក្យចូលរួមប្រកួតមកពីបណ្ដាខេត្ត និងក្រុងផ្សេងដូចជា ប៉ៃលិន ក្រចេះ ភ្នំពេញ និងខេត្តដែលជាប់នឹងសៀមរាបក៏មានដែរ។ ហើយការបង្ហាញមុខបេក្ខនារីនីមួយៗបន្តទៀតនោះ នឹងបង្ហោះឱ្យសាធារណជនអ្នកគាំទ្របានឃើញ ក្រោយពីអ្នករៀបចំកម្មវិធីធ្វើការសម្រិតសម្រាំងរួចរាល់។
ជាមួយគ្នានោះដែរ អ្នកស្រី អេនជី ដែលជា PD តំណាងឱ្យខេត្ត សៀមរាប ក៏បានគូសបញ្ជាក់ពីគោលការណ៍ខ្លះៗដែល Miss Grand Siem Reap កំពុងតែរៀបចំប្រមូលបេក្ខភាពមកចូលរួមប្រកួត និងការជ្រើសយកបេក្ខភាព Top 5 ទៅកាន់វគ្គដណ្ដើមមកុដ។
ការដាក់ពាក្យចូលរួមប្រកួត Miss Grand Siem Reap ឆ្នាំ ២០២៤ គឺតាមរយៈ Chanel Telegram របស់ Miss Grand Siem Reap ហើយនៅក្នុងខែ កុម្ភៈ ឆ្នាំ ២០២៤ ខាងមុខ Miss Grand Siem Reap នឹងចម្រាញ់បេក្ខភាពកំពូលតែមួយរូបប៉ុណ្ណោះដែលស័ក្ដសមជាម្ចាស់មកុដ ដើម្បីឆ្ពោះទៅប្រកួតនៅលើវេទិកា Miss Grand Cambodia 2024៕
សូមរីករាយទស្សនាវីដេអូព័ត៌មានពេញ ៖
