ការប្រកួតជម្រើសជើងឯក Cambodian League 2 រដូវកាល ២០២៣-២៤ បានឈានដល់សប្ដាហ៍ចុងក្រោយហើយ ដោយនៅថ្ងៃអាទិត្យ ទី៣១ ខែមីនា ចុងសប្ដាហ៍នេះ គឺជាប្រកួតប្រជែងដើម្បីដណ្ដើមគ្នាយកពានរង្វាន់ផងដែរ។
![](https://cdn.troryorng.com/wp-content/uploads/2024/03/27145412/image-1698-819x1024.png)
ការប្រកួតសប្ដាហ៍ចុងក្រោយនេះនឹងក្លាយជាការប្រកួតដ៏ជក់ចិត្ត តានតឹង ដើម្បីប្រជែងគ្នាយកជើងឯក ដែលជាការប៉ះគ្នារវាងសមាគមកីឡាបាល់ទាត់ក្រសួងមហាផ្ទៃ និងក្លិបបាល់ទាត់ឡាយហ្វ ខេត្តព្រះសីហនុ នៅកីឡដ្ឋាន បណ្ឌិត្យសភានគរបាលកម្ពុជា វេលាម៉ោង ៣:៤៥ នាទីរសៀល ត្រូវនឹងថ្ងៃអាទិត្យ ទី៣១ ខែមីនា ឆ្នាំ២០២៤។
គួរឱ្យដឹងផងដែរថាការប៉ះគ្នា២ប្រកួតកន្លងទៅ ម្ចាស់ផ្ទះសមាគមកីឡាបាល់ទាត់ក្រសួងមហាផ្ទៃ មិនទាន់ស្គាល់ពាក្យថាឈ្នះក្លិបបាល់ទាត់ឡាយហ្វ ខេត្តព្រះសីហនុ នោះទេ ដោយជើងទី១ ក្រសួងមហាផ្ទៃ ចាញ់ ឡាយហ្វ ២ទល់០ និង ជើងទី២ ក្រសួងមហាផ្ទៃ បន្ដចាញ់ ក្លិបបាល់ទាត់ឡាយហ្វ ១ទល់០ ទៀត។
កម្មវិធីប្រកួតសប្តាហ៍ទី ២១៖
![](https://cdn.troryorng.com/wp-content/uploads/2024/03/27145414/image-1697-1024x1024.png)
សម្រាប់ម្ចាស់ជើងឯកពានរង្វាន់លីគទី២ គិតចាប់តាំងពីបង្កើតឡើងមកមាន ឆ្នាំ២០១៦ បានទៅក្រុមគីរីវង់សុខសែនជ័យ ឆ្នាំ២០១៧ បានទៅក្រុមវិសាខា ឆ្នាំ២០១៨និង២០១៨ មិនមានការរៀបចំនោះទេ ហើយនៅឆ្នាំ២០២០ ជើងឯកបានទៅក្រុមព្រៃវែងអែហ្វស៊ី ឆ្នាំ២០២១ បានទៅក្រុមយុវជនសាលាបាល់ទាត់ជាតិបាទី និងឆ្នាំ២០២២ នេះជើងឯកបានទៅក្រុមអគ្គីសនីកម្ពុជា៕
![](https://cdn.troryorng.com/wp-content/uploads/2024/03/27151006/Troryorng-Telegram-1-1024x126-1-1-1-1.jpg)