សិល្បៈអន្តរជាតិ៖Koo Hye Sun បានទម្លាយឱ្យដឹងថាកាលសិក្សានៅសកលវិទ្យាល័យ Sungkyungkwan អ្នកនាងបានបង្ខំចិត្តយករថយន្តធ្វើជាទីកន្លែងស្នាក់នៅ។
នៅក្នុងការផ្សាយមួយនៃកម្មវិធីរបស់ទូរទស្សន៍ «Truth or Fiction: An Elegant Life» តួឯកស្រីពីភាពយន្តដ៏ល្បីល្បាញ F4 ឬ «Boys over Flowers» បានលើកឡើងថាអ្នកនាងលះបង់ច្រើនណាស់ដើម្បីអាចសម្រេចបំណងប្រាថ្នាបញ្ចប់បរិញ្ញាបត្រ។
«ខ្ញុំបានចាយខ្ជះខ្ជាយទ្រព្យសម្បត្តិអស់ជាច្រើន។ ក្រោយមានអាក្រក់កើតឡើងចំពោះខ្ញុំ ធ្វើឱ្យខ្ញុំនិងគ្រួសារកាន់តែជិតស្និទ្ធនឹងគ្នា»
![](https://cdn.troryorng.com/wp-content/uploads/2024/05/27123400/8f0efaa1-607c-484f-8b8d-55c255c91c23-1024x719.jpg)
![](https://cdn.troryorng.com/wp-content/uploads/2024/05/27123400/71fd834e-76e5-48f3-a1cb-72ad3a09a53c.jpg)
![](https://cdn.troryorng.com/wp-content/uploads/2024/05/27123359/3708d87b-123d-430d-abf8-8e2a686f246b-1024x755.jpg)
![](https://cdn.troryorng.com/wp-content/uploads/2024/05/27123356/d4081c50-9f32-47a6-beac-a4af71289dc1.jpg)
អ្នកសម្ដែង អ្នកនិពន្ធ និងអ្នកដឹកនាំរូបនេះបាននិយាយថាអ្នកនាង រស់នៅក្នុងក្រុង Incheon ប៉ុន្តែនៅថ្ងៃប្រឡងនាងចាំបាច់ត្រូវតែស្នាក់នៅក្នុងរថយន្ត។ មូលហេតុនោះបណ្ដាលមកពីអ្នកនាងមិនមានកន្លែងស្នាក់នៅអចិន្ត្រៃយ៍។ អ្នកនាងបន្តឱ្យដឹងទៀតថា ថ្ងៃណាមានកម្មវិធីសំខាន់ ឬក៏ត្រូវប្រឡងអ្នកនាង នឹងជិះរថយន្តទៅមហាវិទ្យាល័យ ជួនកាលគេងនៅក្នុងរថយន្ត ហើយជួនកាលក៏សំរាកនៅក្នុងបណ្ណាល័យ។
ដំបូងឡើយ តារាស្រីរូបនេះបានជួលកន្លែងស្នាក់នៅតូចមួយក្បែរសាលា ប៉ុន្តែក្រោយកិច្ចសន្យាជួលបញ្ចប់អ្នកនាង មិនអាចរកកន្លែងថ្មីស្នាក់នៅបាន។
![](https://cdn.troryorng.com/wp-content/uploads/2024/05/27123356/87935d6e-a85b-4977-bad7-c79c2b21db6b.jpg)
![](https://cdn.troryorng.com/wp-content/uploads/2024/05/27123358/87935d6e-a85b-4977-bad7-c79c2b21db6b-1.jpg)
រឿងដ៏គួរឱ្យចាប់អារម្មណ៍មួយ នៅពេលពិធីករសួរថា ចុះនាងទៅងូតទឹកនៅកន្លែងណា អ្នកនាងបានតប វិញថា ង្នកនាងមិនសូវងូតទឹកច្រើននោះទេ។
«ខ្ញុំអាចងូតទឹកដោយមិនបាច់កក់សក់ ដោយប្រើតែសាប៊ូមួយមុខប្រើបានសព្វមុខ ទាំងមុខ ទាំងដុសខ្លួន ខ្ញុំមិនយល់សោះថាហេតុអីយើងត្រូវដុះខ្លួន ប្រើតែឡេមួយមុខបានគ្រប់យ៉ាង»
![](https://cdn.troryorng.com/wp-content/uploads/2024/05/27123401/5c16306c-1076-4edc-a825-d9d4d3c9e006.jpg)
អ្នកមេម៉ាយរូបស្រស់ Koo Hye Sun ឬអ្នកគាំទ្រកម្ពុជាស្គាល់យ៉ាងច្បាស់តួអង្គ Geum Jan Di ក្រោយលែងលះស្វាមី Anh Jae Hyeon កាលពីឆ្នាំ២០២០ មកដល់ពេលនេះនៅតែបន្តប្រើប្រាស់ជិវិតនៅលីវ មិនគីតគូររឿងស្នេហា ដោយផ្តោតជាសំខាន់ទៅលើការងារតែមួយមុខគត់៕
![](https://cdn.troryorng.com/wp-content/uploads/2024/04/27142737/Troryorng-Telegram-1-1024x126-1-1-1-1.jpg)