សហព័ន្ធកីឡាបាល់ទះកម្ពុជា នឹងរៀបចំកម្មវិធីប្រកួតបាល់ទះមិត្តភាពអន្តរជាតិចំនួន២គូ នៅរសៀលថ្ងៃសុក្រ ទី២៤ ខែឧសភា ឆ្នាំ២០២៤ លើទីលានវិមានពហុកីឡដ្ឋានជាតិ ក្នុងរាជធានីភ្នំពេញ ព្រមទាំងបើកឱ្យមហាជនចូលទស្សនាដោយសេរី។
![](https://cdn.troryorng.com/wp-content/uploads/2024/05/27123321/Friendly-Match-1024x1024.png)
ស្របពេលសារព័ត៌មាន«ត្រយង»ទទួលបានសិទ្ធិផ្សាយផ្ទាល់ដោយកម្មវិធីប្រកួតមាន៖
គូទី១៖ ម៉ោង៣រសៀល ក្រុមយុវជនក្រោមអាយុ២១ឆ្នាំកម្ពុជា ប៉ះ ក្រុមស្នងការនគរបាលរាជធានីភ្នំពេញ
គូទី២៖ ម៉ោង៥ល្ងាច ក្រុមបាល់ទះវិសាខា ប៉ះក្រុម Lavie Long An របស់វៀតណាម។
អនុប្រធានសហព័ន្ធ៖ ជំនួបមិត្តភាពរវាងវិសាខា និង ក្លិបបាល់ទះវៀតណាម Lavie Long An នឹងកាន់តែល្អមើល ជាមួយវត្តមានកីឡាករបារាំង ៣នាក់ទៀត៖
គួរដឹងថាការប្រកួតមិត្តភាពរបស់ក្រុមបាល់ទះ U-20 កម្ពុជា គឺដើម្បីត្រៀមខ្លួនសម្រាប់វគ្គជម្រុះក្នុងព្រឹត្តិការណ៍ Asian Men’s U20 Championship លើកទី 22 ជាមួយវៀតណាម នៅទឹកដីថៃ។ ដែលគ្រោង នឹងធ្វើឡើងចាប់ពីថ្ងៃទី២៣ ដល់ថ្ងៃទី៣០ ខែកក្កដា ឆ្នាំ២០២៤។ ស្របពេលក្រុមឈ្នះ នឹងទទួលបានកៅអីទៅចូលរួមប្រកួតជុំចុងក្រោយ Asian Men’s U20 Championship លើកទី 22 និងធ្វើឡើងនៅទីក្រុង Surabaya ប្រទេសឥណ្ឌូនេស៊ី។
ស្របពេលក្លិបបាល់ទះវិសាខា ក្រោយចប់ការប្រកួតមិត្តភាពជាមួយ LAVIE LONG AN ត្រូវចេញទៅប្រកួតពានរង្វាន់ Win+ Steak Volleyball Invitational ហៅកាត់ (WSVI) Tournament ដែលក្លិបបាល់ទះ Win Streak ធ្វើជាម្ចាស់ផ្ទះ គ្រោងនឹងចាប់ផ្តើមពីថ្ងៃទី២៩ ខែឧសភា ឆ្នាំ២០២៤ រហូតដល់ថ្ងៃទី២ ខែមិថុនា ឆ្នាំ២០២៤ ខាងមុននេះ៕
![](https://cdn.troryorng.com/wp-content/uploads/2024/04/27142737/Troryorng-Telegram-1-1024x126-1-1-1-1.jpg)