កណ្តាល ៖ រថយន្តALPHARDមួយគ្រឿងត្រូវបានជនសង្ស័យធ្វើសកម្មភាពលួច ព្យាយាមបើករត់គេចចេញពីស្រុកអង្គស្នួល ត្រូវបានកម្លាំងសមត្ថកិច្ច ទាំងកម្លាំងស្នងការខេត្តកណ្តាល ទាំងរាជធានីភ្នំពេញ បង្កឱ្យភ្ញាក់ផ្អើល ទីបំផុតត្រូវបានកម្លាំងស្នងការខេត្តកណ្តាល ប្រដេញស្ទាក់ចាប់បានទាំងរថយន្ត ទាំងជនសង្ស័យចំនួន២នាក់ កាលពី៨និង៤០នាទីយប់ ថ្ងៃទី២៧ ខែឧសភា ឆ្នាំ២០២៤ នៅចំណុចព្រំប្រទល់រវាងស្រុកកៀនស្វាយ និងស្រុកលើកដែក ខេត្តកណ្តាល ។
![](https://cdn.troryorng.com/wp-content/uploads/2024/05/27215356/image-2339-1024x768.png)
![](https://cdn.troryorng.com/wp-content/uploads/2024/05/27215413/image-2340-1024x768.png)
រថយន្តដែលជនសង្ស័យលួចយកម៉ាក ALPHARD ពណ៌ស ពាក់ស្លាកលេខ ភ្នំពេញ 2BX-6820 ។
តាមប្រភពបានឱ្យដឹងថា ជនសង្ស័យចំនួន២នាក់ ធ្វើសកម្មភាពលួចយករថយន្តមួយគ្រឿងខាងលើ ចេញពីឃុំដំណាក់អំពិល ស្រុកអង្គស្នួល ខេត្តកណ្តាល បានសម្រេចហើយព្យាយាមបើករត់គេច ត្រូវបានកម្លាំងសមត្ថកិច្ចស្រុកអង្គស្នួល កម្លាំងស្នងការខេត្តកណ្តាល កម្លាំងស្នងការក្រុងភ្នំពេញ សហការប្រដេញស្ទាក់ ទីបំផុតត្រូវបានកម្លាំងនៃស្នងការខេត្តកណ្តាល ស្ទាក់ចាប់បាន នៅតាមផ្លូវជាតិលេខ១ ចំណុចព្រំប្រទល់ រវាងស្រុកកៀនស្វាយ និងស្រុកលើកដែក ។
![](https://cdn.troryorng.com/wp-content/uploads/2024/05/27215230/image-2337.png)
![](https://cdn.troryorng.com/wp-content/uploads/2024/05/27215246/image-2338.png)
ក្រោយពីបង្ក្រាបចាប់ខ្លួនបាន ជនសង្ស័យ រួមជាមួយវត្ថុតាង ត្រូវបាននាំទៅសាកសួរនៅអធិការដ្ឋាននគរបាលស្រុកអង្គស្នួល ដើម្បីកសាងសំណុំរឿងចាត់ការបន្តតាមនីតិវិធី ។ ចំណែកបក្ខពួកជនសង្ស័យចំនួន២នាក់ទៀត រត់គេចបាត់ កម្លាំងសមត្ថកិច្ច កំពុងបន្តស្រាវជ្រាវ តាមចាប់ខ្លួន ។
![](https://cdn.troryorng.com/wp-content/uploads/2024/05/27215413/image-2341.png)
![](https://cdn.troryorng.com/wp-content/uploads/2024/05/27215433/image-2342.png)
![](https://cdn.troryorng.com/wp-content/uploads/2024/05/27215457/image-2343-1024x768.png)
![](https://cdn.troryorng.com/wp-content/uploads/2024/05/27215554/image-2344-1024x768.png)
អត្ថបទ៖ ទូច វិច្ឆិកា
![](https://cdn.troryorng.com/wp-content/uploads/2024/04/27142737/Troryorng-Telegram-1-1024x126-1-1-1-1.jpg)