ពានរង្វាន់លីគយុវជនក្រោមអាយុ១៩ឆ្នាំ រដូវកាល២០២៤ (Cambodian Youth League U19) បានធ្វើដំណើរបាន២សប្ដាហ៍ហើយ ដោយសមាជិកទាំង១០ក្រុមបានទាត់បាល់បញ្ចូលទីគ្នាទៅមកចំនួន៥គ្រាប់ ប៉ុន្តែមានអ្នកចាំទី៥នាក់អាចរក្សាបាល់មិនអោយចូលទីតាមប្រកួតនីមួយៗរបស់ខ្លួន (Clean Sheets) ចំនួន៦លើក។
ប៉ុន្តែអ្វីដែលគួរឱ្យចាប់នោះ គឺអ្នកចាំទី ផៃ ឆៃយ៉ា របស់ក្លិបបាល់ទាត់វិសាខា បានរក្សាកំណត់ត្រាមុនគេ ដោយរារាំងមិនឱ្យបាល់ចូលទីរបស់ខ្លួនទាំង២លើកជាប់ៗគ្នា ពោលគឺក្នុងជំនួបក្រុមវិសាខា យកឈ្នះលើក្រុមសាលាបាល់ទាត់ជាតិ នៅសប្តាហ៍ទី១ ដោយលទ្ធផល ៩-០ និងសប្ដាហ៍ទី២ វិសាខា យកឈ្នះលើក្រុមកងយោធពលខេមរភូមិន្ទ (Tiffy Army FC) ដោយលទ្ធផល១-០។
សរុបបញ្ជីអ្នកចាំទីដែលរក្សា Clean Sheets ចំនួន២សប្តាហ៍មកនេះមាន៖
ផៃ ឆៃយ៉ា របស់វិសាខា បាន២លើក
ប៉ែន ស៊ូវិទូ របស់ ISI ដង្កោសែនជ័យ បាន១លើក
ម៉ាត់ ឡានី របស់ Tiffy Army FC បាន១លើក
ឡាច រស្មីមុន្ធី របស់ ណាហ្គាវើលដ៍ បាន១លើក
អេង កែវដាវិត របស់ ណាហ្គាវើលដ៍ បាន១លើក
ចំណែកទិន្នន័យក្លិបដែលអាចរក្សា Clean Sheets វិញមាន៖
ក្លិបវិសាខា ចំនួន២លើក
ក្លិបណាហ្គាវើលដ៏ ចំនួន២លើក
ក្លិប Tiffy Army FC ចំនួន១លើក
ក្លិប ISI ដង្កោសែនជ័យ ចំនួន១លើក
ចំណែកការប្រកួតសប្ដាហ៍ទី៣ នឹងធ្វើឡើងនៅថ្ងៃទី២ខែមិថុនា ឆ្នាំ២០២៤ ដំណាលគ្នា ក្នុងនោះមាន៖
គូទី១៖ ម៉ោង១៥:៣០ វិសាខា Vs ព្រះខ័នរាជស្វាយរៀង នៅមជ្ឍមណ្ឌលហ្វឹកហាត់វិសាខា
គូទី២៖ ម៉ោង៨:០០ អង្គរថាយហ្គឺរ Vs ភ្នំពេញក្រោន នៅកីឡដ្ឋានស្មាត អ អេស អ៊ិន
គូទី៣៖ ម៉ោង១៥:០០ Tiffy Army FC Vs ISI ដង្កោសែនជ័យ នៅកីឡដ្ឋាន AIA KMH Park
គូទី៤៖ ម៉ោង១៥:៣០ សាលាតម្រង់ទិសភ្នំពេញ Vs សាលាបាល់ទាត់ជាតិ នៅវិទ្យាល័យ ហ៊ុន សែន ច្បារអំពៅ
គូទី៥៖ ម៉ោង១៥:៣០ បឹងកេត Vs ណាហ្គាវើលដ៍ នៅកីឡដ្ឋានបឹងកេត
