ភ្នំពេញ ៖ ក្មេងប្រុសពីរនាក់បងប្អូនបង្កើតជិះកង់ឌុបគ្នាទៅលេងទឹករណ្ដៅដីមួយកន្លែង ប្អូនប្រុសរអិលធ្លាក់ចូលទឹកបណ្តាលអោយលង់ស្លាប់។
ហេតុការណ៍នេះបានកើតឡេីងកាលពីវេលាម៉ោង២:៣០នាទីរសៀល ថ្ងៃទី០១ ខែមិថុនា ឆ្នាំ២០២៤ នៅចំណុចរណ្ដៅដីមួយកន្លែង ក្នុងភូមិ ព្រៃមូល២ សង្កាត់គោករកា ខណ្ឌព្រែកព្នៅ រាជធានីភ្នំពេញ ។
![](https://cdn.troryorng.com/wp-content/uploads/2024/06/03093817/image-27-1024x576.png)
![](https://cdn.troryorng.com/wp-content/uploads/2024/06/03093831/image-28-1024x549.png)
សពក្មេងរងគ្រោះមានឈ្មោះ សម្បត្តិ សុផានិត អាយុ ០៧ឆ្នាំ ស្នាក់នៅ ភូមិវិមានទ្រង់ សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ ។
បើយោងតាមប្រភពពីក្មេងប្រុស ឈ្មោះ សម្បត្តិ សុធារិទ្ធ អាយុ ១១ឆ្នាំ ត្រូវជាបងបង្កើតក្មេងរងគ្រោះបានប្រាប់អោយដឹងថា មុនកេីតហេតុខណៈឪពុកម្តាយមិននៅផ្ទះ រូបគេទាំង២នាក់ បានជិះកង់ឌុបគ្នាចេញពីផ្ទះ ដើម្បីទៅអង្គុយលេងនៅមាត់ស្រះទឹក ពេលពួកគេជិះកង់មកដល់ស្រះទឹក ក៏មានអ្នកអង្គុយស្ទូចត្រីនៅទីនោះ ស្រែកហាមមិនឲ្យពួកគេទាំង២ ចុះលេងទឹកនោះទេ ព្រោះស្រះនោះមានជម្រៅជ្រៅ។ ប៉ុន្ដែមួយសន្ទុះក្រោយមក ក្មេងរងគ្រោះបានដេីរទៅមាត់ស្រះ ហើយរអិលជើងធ្លាក់ចូលទឹកលិចបាត់ដែលម្តង ភ្លាមៗ រូបគេភ័យពេក បានត្រឹមអង្គុយមើលប្អូនប្រុសអណ្ដែតមកវិញប៉ុណ្ណោះ។
![](https://cdn.troryorng.com/wp-content/uploads/2024/06/03093728/image-26-1024x562.png)
![](https://cdn.troryorng.com/wp-content/uploads/2024/06/03093720/image-25.png)
ប្រភពពីពលរដ្ឋដែលអង្គុយស្ទូចត្រីនៅស្រះទឹកចំហៀងម្ខាងទៀតឃេីញហេតុការណ៍បានប្រាប់អោយដឹងថា ពេលគាត់កំពុងស្ទូចត្រីឃើញក្មេងប្រុស២នាក់មកលេងស្រះទឹក រូបគាត់បានស្រែកហាមឃាត់មិនអោយចុះលេងទេ ខ្លាចគ្រោះថ្នាក់ ព្រោះទឹកជ្រៅ ហើយក៏ស្ទូចត្រីបន្តទៀតភ្លេចខ្លួនមួយភ្លែតក្រឡេកមើលទៅក្មេងប្រុសម្តងទៀត ឃេីញតែក្មេងម្នាក់អង្គុយតែម្នាក់ឯងទាំងភ័យស្លន់ស្លោ ពេលគាត់ដេីរមកសួរនាំ ទេីបដឹងថា កុមារារងគ្រោះ បានលង់ទឹកលិចបាត់ទៅហេីយ ទេីបពួកគាត់ជូនកុមារារងគ្រោះទៅផ្ទះ ដេីម្បីប្រាប់អ្នកផ្ទះ។
![](https://cdn.troryorng.com/wp-content/uploads/2024/06/03093720/image-25.png)
![](https://cdn.troryorng.com/wp-content/uploads/2024/06/03093720/image-25.png)
![](https://cdn.troryorng.com/wp-content/uploads/2024/06/03093842/image-29-1024x537.png)
ក្រោយកេីតហេតុឪពុកម្តាយសាច់ញាតិកុមារារងគ្រោះ បានត្រឹមយំស្រណោះ និង បានពឹងពាក់អ្នកភូមិអោយច្រមុជរកសពកូនប្រុស ប៉ុន្តែមិនមានអ្នកហ៊ានជ្រមុជរកទេ ពីព្រោះរណ្ដៅដីមានជម្រៅជ្រៅ ទេីបសាច់ញាតិកុមារារងគ្រោះបានទំនាក់ទំនង សុំជំនួយ កងប្រតិបត្តិការរុករកនិងសង្គ្រោះ៩១១ ចុះមកជួយរកសពមួយហើយតែមិនទាន់រកឃើញ ហើយខណៈពេលនេះវេលាម៉ោង១០នឹង៣០នាទី ថ្ងៃទី២ខែ មិថុនាឆ្នាំ២០២៤ កងប្រតិបត្តិការរុករកនិងសង្គ្រោះ៩១១ កំពុងរុករកសពក្មេងខាងលើបន្តទៀតផង៕
អត្ថបទ៖ សេង សាវី
![](https://cdn.troryorng.com/wp-content/uploads/2024/04/27142737/Troryorng-Telegram-1-1024x126-1-1-1-1.jpg)