ក្រុមគោព្រៃកម្ពុជា នឹងត្រូវជួបក្រុមបាល់ទាត់ជម្រើសជាតិម៉ុងហ្គោលី ជាថ្មីនៅលើទឹកដីកម្ពុជា នាថ្ងៃទី៧ ខែមិថុនា ឆ្នាំ ២០២៤ស្អែកនេះ ក្នុងជំនួបមិត្តភាពអន្តរជាតិ នៅពហុកីឡដ្ឋានជាតិ (អូឡាំពិក) វេលាម៉ោង ១៨:០០ នាទីល្ងាច។
ងាកមកមើលជំនួនចុងក្រោយរបស់ក្រុមគោព្រៃកម្ពុជា ជាមួយម៉ុងហ្គោលី កាលពីថ្ងៃទី១៤ ខែវិច្ឆិកា ឆ្នាំ២០១៩ វិញ កាលនោះកម្ពុជា បានត្រឹមស្មើជាមួយ ម៉ុងហ្គោលី ក្នុងលទ្ធផល ១ទល់និង១ នៅពហុកីឡដ្ឋានជាតិ (អូឡាំពិក)។
ជម្រើស១១នាក់ដំបូង ពេលកម្ពុជា ប៉ះ ម៉ុងហ្គោលី ឆ្នាំ២០១៩៖
វីដេអូហាយឡាយ៖ កម្ពុជា ១-១ ម៉ុងហ្គោលី កាលពីឆ្នាំ២០១៩ ក្នុងជំនួនមិត្តភាពអន្តរជាតិ
តាមគម្រោងក្រុមជម្រើសជាតិកម្ពុជា នឹងម៉ុងហ្គោលី ណាត់គ្នាប្រកួតមិត្តភាពអន្តរជាតិចំនួន២លើក ដោយក្នុងនោះ៖
*៧ មិថុនា ២០២៤ ម៉ោង៦ល្ងាច កម្ពុជា ប៉ះ ម៉ុងហ្គោលី នៅពហុកីឡដ្ឋានជាតិ រាជធានីភ្នំពេញ
*១១ មិថុនា ២០២៤ ម៉ោង៦ល្ងាច ម៉ុងហ្គោលី ប៉ះ កម្ពុជា នៅកីឡដ្ឋាន MFF ទីក្រុងអ៊ុលឡានបាតា
រំដែរថា នេះក៏ជាការប្រកួតក្នុងដីលើកដំបូងក្នុងឆ្នាំ២០២៤ ដែលសហព័ន្ធកីឡាបាល់ទាត់កម្ពុជា នឹងរៀបចំការប្រកួតមិត្តភាពអន្តរជាតិ “Vattanac International Friendly Match” រវាងក្រុមជម្រើសជាតិកម្ពុជា ប្រកួតជាមួយក្រុមជម្រើសជាតិម៉ុងហ្គោលី នៅថ្ងៃសុក្រ ទី៧ ខែមិថុនា ឆ្នាំ២០២៤ ខាងមុខនេះ នាវេលាម៉ោង ១៨:៣០នាទី នៅពហុកីឡដ្ឋានជាតិ។
គួរបញ្ជាក់ថា ទាំងកម្ពុជា និងម៉ុងហ្គោលី សុទ្ធតែកំពុងត្រៀមខ្លួនដើម្បីចូលរួមប្រកួតវគ្គជម្រុះបឋម ក្នុងពានរង្វាន់ជើងឯកប្រចាំទ្វីបអាស៊ី 2027 AFC Asian Cup qualification – play-off round ដោយម៉ុងហ្គោលី ចាប់គូប៉ះទីម័រខាងកើត ហើយកម្ពុជា ចាប់គូប៉ះស្រីលង្កា៕
