ក្រុមបាល់ទាត់យុវជនអាយុក្រោម ១៩ឆ្នាំរបស់វិសាខា U19 នឹងត្រូវមានបេសកកម្មក្រៅដីដំបូង ដោយត្រូវធ្វើដំណើរទៅកាន់ទឹកដីរបស់ក្រុមយុវជនអាយុក្រោម ១៩ឆ្នាំរបស់ អាយ អេស អាយ ដង្កោសែនជ័យ នៃពានរង្វាន់ Cambodian Youth League U19 2024 សប្ដាហ៍ទី៤។
ក្នុងនោះសារព័ត៌មានត្រយង នឹងធ្វើការផ្សាយផ្ទាល់សម្រាប់ការប្រកួតរវាង ក្រុមយុវជនអាយុក្រោម១៩ឆ្នាំ វិសាខា ទល់នឹងក្រុមយុវជនអាយុក្រោម ១៩ឆ្នាំរបស់ អាយ អេស អាយ ដង្កោសែនជ័យ ដោយការប្រកួតនឹងធ្វើឡើងនៅកីឡដ្ឋាន AIA Stadium, KMH Park នៅថ្ងៃទី០៨ ខែមិថុនា ឆ្នាំ២០២៤ វេលាម៉ោង ៦ល្ងាច ។
តារាងចំណាត់ថ្នាក់ ត្រឹមសប្ដាហ៍ទី៣៖
សម្រាប់ការចាប់ផ្តើមរដូវកាលដំបូង លីគយុវជនអាយុ១៩ឆ្នាំ មានក្រុម ១០ចូលរួមប្រកួត មានដូចជា៖ ណាហ្គាវើលដ៍, សមាគមកីឡាបាល់ទាត់ខេមរភូមិន្ទ, អង្គរថាយហ្គឺរ, ព្រះខ័នរាជស្វាយរៀង, ភ្នំពេញក្រោន, វិសាខា, ISI ដង្កោសែនជ័យ, បឹងកេត, សាលាតម្រង់ទិសរាជធានីភ្នំពេញអាយុ១៨ឆ្នាំ និង សាលាបាល់ទាត់ជាតិបាទីអាយុ១៦ឆ្នាំ។
តាមការគ្រោងទុក កម្មវិធីប្រកួតលីគយុវជនកម្ពុជានឹងចាប់ផ្តើមនៅថ្ងៃទី១៩ ខែឧសភា ឆ្នាំ២០២៤ ក្នុងចំណោមការប្រកួតសរុប២១សប្ដាហ៍។ រូបមន្តនៃការប្រកួតគឺវិលជុំសន្សំពិន្ទុ២ជើង (ក្នុងដី និងក្រៅដី) មុនពេលយកក្រុមកំពូលទាំង៤ឡើងទៅប្រកួតជុំទី៣ដែលមាន៣ប្រកួតទៀត។ ក្រុមមានពិន្ទុខ្ពស់ជាងគេជាជើងឯក៕
