នៅព្រឹកថ្ងៃចន្ទ ទី១០ ខែមិថុនា ឆ្នាំ២០២៤ លោកបណ្ឌិត អាំង សិរីពិសិដ្ឋ អនុប្រធាន និងជាអគ្គលេខាធិការ ជាតំណាងដ៏ខ្ពង់ខ្ពស់ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រី ក្រសួងមហាផ្ទៃ និងជាប្រធានសហព័ន្ធកីឡាបាល់ទះកម្ពុជា បាននាំយកថវិកាសប្បុរសជន ចំនួន ៩,៩៩៩ដុល្លារអាម៉េរិច បរិច្ចាគជូនដល់មន្ទីរពេទ្យគន្ធបុប្ផា។
អនុប្រធាន និងជាអគ្គលេខាធិការសហព័ន្ធកីឡាបាល់ទះកម្ពុជា បានលើកឡើងថា សហព័ន្ធនិងកីឡាករ នៅតែមានបេះដូងផ្សារភ្ជាប់សបុរសធ៌ម តាមរយ:ការផ្ដល់ថវិការជូនមន្ទីរពេទ្យគុន្ធបុប្ផា នៅឆ្នាំក្រោយៗទៀត។ ខណ:លើកនេះគឺជាថវិការបស់ឯកឧត្តមអភិសន្តិបណ្ឌិត និងលោកជំទាវ ព្រមទាំងថ្នាក់ដឹកនាំ ស្នងការនគរបាលរាជធានី-ខេត្ត សមាជិក សមាជិកា គណៈកម្មាធិការប្រតិបត្តិសហព័ន្ធកីឡាបាល់ទះកម្ពុជា រួមទាំងក្រុមកីឡាកររបស់ក្លិបកីឡាបាល់ទះវិសាខា ។
គួរបញ្ជាក់ថា ក្លិបបាល់ទះវិសាខា បានក្លាយជាម្ចាស់ជើងឯក នៃពានរង្វាន់ Win+ Streak Volleyball Invitational Tournament 2024 ដែលមានក្រុមចំនួន ៨ចូលរួមមកបី ៧ប្រទេស។ ការគ្រងជើងឯកនេះធ្វើឡើង ក្រោយយកឈ្នះលើក្រុម Win Streak របស់តៃវ៉ាន់ ដោយលទ្ធផល ៣សិតទល់នឹង១ នៅវគ្គផ្ដាច់ព្រ័ត្រ កាលពីរាត្រីថ្ងៃទី២ ខែមិថុនា ឆ្នាំ២០២៤ កន្លងទៅនៅកោះតៃវ៉ាន់៕