បាងកក៖ អាជ្ញាធរបាននិយាយថា សត្វប្រភេទដ៏កម្រ សត្វល្មូន និងសត្វចិញ្ចឹមជាង ១,០០០ក្បាលបានស្លាប់នៅក្នុងទីផ្សារបោះដុំមួយកន្លែងក្នុងទីក្រុងបាងកក បន្ទាប់ពីអគ្គីភ័យបានឆាបឆេះតូបលក់សត្វជាងមួយរយតូប កាលពីថ្ងៃអង្គារ សប្ដាហ៍នេះ។ នេះបើយោងតាមការចេញផ្សាយដោយសារព័ត៌មាន CNA នាថ្ងៃពុធ ទី១២ ខែមិថុនា ឆ្នាំ២០២៤។
![](https://cdn.troryorng.com/wp-content/uploads/2024/06/12091036/40e0bfe0-f7a1-4a56-ab3f-463329ecdee3.png)
អភិបាលក្រុងបាងកក លោក Chadchart Sittipunt បានប្រាប់អ្នកយកព័ត៌មានថា ភ្លើងបានឆាបឆេះលើផ្ទៃដីប្រមាណ ១.៣០០ម៉ែត្រការ៉េ នៃផ្សារសម្រាប់ដើរកម្សាន្ដថ្ងៃចុងសប្ដាហ៍ «Chatuchak» ដោយបានសម្លាប់សត្វជាង ១,០០០ក្បាល រួមមានទាំងសត្វសុនខ ឆ្មា បក្សី ពស់ ពីងពាង និងត្រីក្រឹម។
![](https://cdn.troryorng.com/wp-content/uploads/2024/06/12091040/3bf33bb9-53f8-463d-8bbb-82fc551ae408.png)
អធិការនគរបាលក្រុងភូវ៉ាដុន អ៊ុនផូ បាននិយាយថា តូបចំនួន១១៨ ត្រូវបានអគ្គីភ័យឆាបឆេះ ហើយបើតាមការត្រួតពិនិត្យបឋមបង្ហាញថា អគ្គិភ័យនេះបណ្តាលមកពីទុស្សេចរន្តអគ្គិសនី។
![](https://cdn.troryorng.com/wp-content/uploads/2024/06/12091107/019603fe-9b09-498c-a74d-464f89841605.png)
ក្រុមអ្នកពន្លត់អគ្គីភ័យ និងអ្នកជួយសង្គ្រោះកាលពីថ្ងៃអង្គារ បានប្រមូលយកសាកសពសត្វ ទ្រុងដែលរហែក រើជញ្ជាំង និងដំបូលតូបដែលដួលរលំ។
![](https://cdn.troryorng.com/wp-content/uploads/2024/06/12091137/219cf850-c2c3-422c-b7f0-0159bbde72b2-1024x682.png)
ផ្សារបោះដុំ Chatuchak មានភាពល្បីល្បាញដោយសារតែនៅទីនោះ មានហាងលក់សំលៀកបំពាក់ លក់គ្រឿងបន្លាស់ លក់ទំនិញបោះដុំចម្រុះ និងសត្វកម្រនានាដែលទាក់ទាញអ្នកទៅដើរកម្សាន្ដរាប់ពាន់នាក់រៀងរាល់ថ្ងៃចុងសប្តាហ៍។
![](https://cdn.troryorng.com/wp-content/uploads/2024/06/12091116/a6ae8359-4ca4-458b-9ffe-3c3dfca0b806.png)
អគ្គីភ័យត្រូវបានពន្លត់នៅម៉ោង ៦ព្រឹក ហើយមូលហេតុកំពុងត្រូវបានស៊ើបអង្កេតបន្ដ នេះបើយោងតាមលោក Tivakorn Prongseng អធិការប៉ូលីសដែលកំពុងស៊ើបអង្កេតករណីនេះ។ លោកបានបន្តថា មិនមានរបាយការណ៍អំពីការស្លាប់របស់មនុស្សទេ៕
![](https://cdn.troryorng.com/wp-content/uploads/2024/04/27142737/Troryorng-Telegram-1-1024x126-1-1-1-1.jpg)