សិល្បៈជាតិ៖ អ្នកគ្រប់គ្នាបានដឹងហើយថា ការប្រគំតន្ត្រី Sabaidee នៅសហរដ្ឋអាមេរិក បើតាមគម្រោងនឹងមានវត្តមានតារាចម្រៀងជួរមុខ៣ដួងរបស់ បារមី ទៅចូលរួមក្នុងនោះមាន វណ្ណដា វណ្ណថាន់ និងកញ្ញា កៅ សុភា ប៉ុន្តែនៅពេលដល់កាលបរិច្ឆេទស្រាប់តែអវត្តមាន កៅ សុភា ស្រាប់តែក្រោយមកទៀតតារាចម្រៀងស្រីរូបនេះ ប្រកាសចែកផ្លូវជាមួយនឹងផលិតកម្មដែលជាទ្រនំរបស់ខ្លួនជាង ៤ឆ្នាំនេះ។
![](https://cdn.troryorng.com/wp-content/uploads/2024/06/17110404/434713551_992401309113478_4347363655043503943_n-683x1024.jpg)
![](https://cdn.troryorng.com/wp-content/uploads/2024/06/17110406/434773203_992401259113483_1314991199512958117_n-683x1024.jpg)
![](https://cdn.troryorng.com/wp-content/uploads/2024/06/17110403/434834563_992401179113491_9153573231180376845_n-683x1024.jpg)
នៅក្នុងសំណេរនៃសេចក្ដីប្រកាសនោះ កៅ សុភា បានសរសេរដោយដៃជាភាសាអង់គ្លេស និងមានវាយជាខេមរៈភាសាជាផ្លូវការ ដោយកញ្ញា គ្រាន់តែបញ្ជាក់ថាខ្លួននឹងអតីតផលិតកម្ម មិនទាំងបញ្ចេញឈ្មោះ បារមី ផងនោះបានចែកផ្លូវគ្នា ហើយក៏អរគុណដល់អតីតផលិតកម្ម ប៉ុន្តែកញ្ញា សុំមិនបញ្ចេញសេចក្ដីលម្អិតពាក់ព័ន្ធនឹងការចែកផ្លូវគ្នានេះនោះទេ ដោយគ្រាន់តែសង្កត់ធ្ងន់សូមឱ្យមានការគាំទ្រខ្លួនក្នុងនាមជាតារាចម្រៀងឯករាជ្យប៉ុណ្ណោះ។
![](https://cdn.troryorng.com/wp-content/uploads/2024/06/17110418/448353414_1033781681642107_7417441300106817905_n-793x1024.jpg)
![](https://cdn.troryorng.com/wp-content/uploads/2024/06/17110414/448353426_1033781671642108_1439121348575655360_n-791x1024.jpg)
![](https://cdn.troryorng.com/wp-content/uploads/2024/06/17110419/448300705_1033781744975434_8008200836643666316_n-804x1024.jpg)
![](https://cdn.troryorng.com/wp-content/uploads/2024/06/17110416/448266058_1033780038308938_772664002302690215_n-784x1024.jpg)
យ៉ាងណាមិញការសម្រេចចិត្តប្រកាសដំណឹងចែកផ្លូវគ្នារវាងដែល កៅ សុភា អវត្តមានចេញទៅប្រគំតន្ត្រីនៅសហរដ្ឋអាមេរិក ខណៈដែលបារមីធ្លាប់លើកឡើងថាកញ្ញាមានបញ្ហាផ្ទាល់ខ្លួន នៅតែបង្កជាមន្ទិលសង្ស័យនៅក្នុងចង្កោមមហាជន ដែលតាមដាន និងគាំទ្រទាំងផលិតកម្ម ក៏ដូចជាតារាចម្រៀងស្រីរូបនេះ ព្រោះគេយល់ឃើញថាប្រហែលជាមានសាច់រឿងអ្វីនៅពីក្រោយការសម្រេចចិត្តភ្លាមៗ ប្រកាសដំណឹងចាកចេញពីផលិតកម្ម ខណៈដែលដំណឹងនៃការរង្គោះរង្គើផ្ទៃក្នុងផលិតកម្ម កំពុងតែលេចឡើងនៅក្នុងចំណោមមហាជន៕
![](https://cdn.troryorng.com/wp-content/uploads/2024/04/27142737/Troryorng-Telegram-1-1024x126-1-1-1-1.jpg)