ក្រុមជម្រើសជាតិកម្ពុជា អាយុក្រោម១៦ឆ្នាំ បានចេញទៅប្រទេសឥណ្ឌូនេស៊ី កាលពីរសៀលថ្ងៃទី១៩ ខែមិថុនា ឆ្នាំ២០២៤ កន្លងទៅ ដើម្បីចូលរួមការប្រកួតពានរង្វាន់ជើងឯកអាស៊ាន 2024 ASEAN U-16 Boys Championship។
ដូចនេះសារព័ត៌មានត្រយង សូមជម្រាប់ពីរឿងទាំង៥នោះដូចទៅ៖
១) កាលបរិច្ឆេទនិងទីកន្លែង
ពានរង្វាន់ជើងឯកយុវជនប្រចាំតំបន់អាស៊ាន 2024 ASEAN U-16 Boys Championship ដែលប្រទេសឥណ្ឌូនេស៊ី ទទួលរៀបចំជាម្ចាស់ផ្ទះ គ្រោងនឹងរៀបចាប់ផ្តើមការប្រកួតនៅថ្ងៃទី២១ ខែមិថុនា រហូតដល់ថ្ងៃទី៤ ខែកក្កដា ឆ្នាំ២០២៤ មាន១២ក្រុមចូលរូមប្រកួត បែងចែកជា៣ពូល ក្នុង១ពូលមាន៤ក្រុម។
![](https://cdn.troryorng.com/wp-content/uploads/2024/06/20110102/aff-u16-2024-gn-20039c-1024x576.webp)
ទី២) លទ្ធផលការចាប់ឆ្នោតនៃពានរង្វាន់ 2024 ASEAN U-16 Boys Championship៖
ពូល A៖ មានក្រុមម្ចាស់ផ្ទះឥណ្ឌូនេស៊ី, ឡាវ, ហ្វីលីពីន និងសិង្ហបុរី។
ពូល B៖ មានក្រុមជម្រើសជាតិវៀតណាម, មីយ៉ាន់ម៉ា, កម្ពុជា និងប៊្រុយណេ។
ពូលC៖ មានក្រុមជម្រើសជាតិថៃ, ម៉ាឡេស៊ី, ទីម័រខាងកើត និងអូស្រ្តាលី។
![](https://cdn.troryorng.com/wp-content/uploads/2024/06/20110112/1-3.png)
ទី៣) កម្មវិធីប្រកួត
ចំពោះកម្មវិធីនៃការប្រកួតវិញ គឺថ្ងៃបើកឆាកជំនួបក្នុងពូលA ក្រុមជម្រើសជាតិឡាវ អាយុក្រោម១៦ឆ្នាំ នឹងត្រូវប៉ះជាមួយក្រុម ហ្វីលីពីន នៅថ្ងៃទី២១ ខែមិថុនា ឆ្នាំ២០២៤ ខណៈការប្រកួតនោះនឹងធ្វើឡើងនៅក្នុងកីឡដ្ឋាន Manahan Stadium ស្ដិតក្នុងរាជធានីស៊ូរ៉ាកាតា ប្រទេសឥណ្ឌូនេស៊ី។
![](https://cdn.troryorng.com/wp-content/uploads/2024/06/20110123/448557695_822746560001014_213219578177252869_n-1024x1024.jpg)
ដោយលែកសម្រាប់កម្មវិធីប្រកួតរបស់ក្រុមជម្រើសជាតិកម្ពុជា វិញឃើញថា៖
- នៅថ្ងៃទី២២ ខែមិថុនា ឆ្នាំ២០២៤ កម្ពុជា ត្រូវប៉ះ មីយ៉ាន់ម៉ា វេលាម៉ោង ៧:៣០នាទីយប់នៅក្នុងកីឡដ្ឋាន Sriwedari Stadium ស្ថិតក្នុងទីក្រុងស៊ូរ៉ាកាតា ប្រទេសឥណ្ឌូនេស៊ី។
- នៅថ្ងៃទី២៤ ខែមិថុនា ឆ្នាំ២០២៤ កម្ពុជា បន្តប៉ះ ក្រុមវៀតណាម វេលាម៉ោង ៧:៣០នាទីយប់នៅក្នុងកីឡដ្ឋាន Sriwedari Stadium ស្ថិតក្នុងទីក្រុងស៊ូរ៉ាកាតា ប្រទេសឥណ្ឌូនេស៊ី។
- នៅថ្ងៃទី២៦ ខែមិថុនា ឆ្នាំ២០២៤ កម្ពុជា បន្តជួបក្រុមប្រ៊ុណេ វេលាម៉ោង ៣:៣០នាទីយប់នៅក្នុងកីឡដ្ឋាន Sriwedari Stadium ស្ថិតក្នុងទីក្រុងស៊ូរ៉ាកាតា ប្រទេសឥណ្ឌូនេស៊ី។
![](https://cdn.troryorng.com/wp-content/uploads/2024/06/20110125/448636175_822772719998398_5274717093992450816_n.jpg)
ទី៤) រូបមន្តប្រកួត
ចំពោះរូបមន្តប្រកួតវិញគឺក្រុមដែលឈរនៅលេខ១ក្នុងពូលទាំង៣នឹងមានកៅអីទៅវគ្គពាក់កណ្តាលផ្តាច់ព្រ័ត្រតែម្តង ខណៈក្រុមលេខ២ល្អ ក្នុងចំណោម៣ពូល គឺនឹងយក១ក្រុមដើម្បីទៅវគ្គពាក់កណ្តាលផ្តាច់ព្រ័ត្រ។
![](https://cdn.troryorng.com/wp-content/uploads/2024/06/20110154/039052200_1533382664-Myanmar_kamboja.jpg)
សម្រាប់កម្មវិធីប្រកួតវគ្គពាក់កណ្តាលផ្តាច់ព្រ័ត្រ ក្រុមលេខ១ក្នុងពូលA នឹងត្រូវជួបក្រុមលេខ១ក្នុងពូល C ខណៈក្រុមលេខ១ក្នុងពូលB នឹងត្រូវជួបក្នុងលេខ២ល្អ ក្នុងចំណោម៣ពូលនោះ
![](https://cdn.troryorng.com/wp-content/uploads/2024/06/20110203/Singapore-vs-Laos.jpg)
ទី៥) ប្រវត្តិពាន
ពានរង្វាន់ជើងឯកយុវជនប្រចាំតំបនអាស៊ានASEAN U-16 Boys Championship បានបង្តើតឡើងដំបូងនៅឆ្នាំ២០០២ ហើយប្រទេសដែលទទួលរៀបចំជាម្ចាស់ផ្ទះច្រើនជាងគឺប្រទេសឥណ្ឌូនេស៊ី បាន៧លើកតែឯង ខណៈក្រុមដែលឈ្នះជើងឯកពានរង្វាន់នេះច្រើនគេបានលើប្រទេសថៃ និងវៀតណាម ម្នាក់៣លើកដូចគ្នា។
![](https://cdn.troryorng.com/wp-content/uploads/2024/06/20110242/IMG_0567-602x301-1-1.jpg)
![](https://cdn.troryorng.com/wp-content/uploads/2024/06/20110240/u1657032215PM.jpg)
ក្រុមជម្រើសជាតិថៃឈ្នះនៅឆ្នាំ២០០៧, ២០១១ និងឆ្នាំ២០១៥ ខណៈវៀតណាមឈ្នះនៅឆ្នាំ២០០៦, ២០១០ និងឆ្នាំ២០១៧។
ដោយលែកក្រុមមីយ៉ាន់ម៉ាឈ្នះ២លើកនៅឆ្នាំ២០០២ និងឆ្នាំ២០០៥, អូស្រ្តាលីឈ្នះ២លើកនៅឆ្នាំ២០០៨ និងឆ្នាំ២០១៦, ឥណ្ឌូនេស៊ីឈ្នះឆ្នាំ២០១៨ និងឆ្នាំ២០២២ ម៉ាឡេស៊ីឈ្នះនៅឆ្នាំ២០១៣ និងឆ្នាំ២០១៩ ខណៈក្រុមជប៉ុនឈ្នះបាន១លើកដែរក្នុងនាមជាក្រុមភ្ញៀវនៅឆ្នាំ២០១២។
![](https://cdn.troryorng.com/wp-content/uploads/2024/06/20110300/oz.12.jpg)
![](https://cdn.troryorng.com/wp-content/uploads/2024/06/20110306/4-3.png)
![](https://cdn.troryorng.com/wp-content/uploads/2024/06/20110302/japan-1024x576.jpg)
![](https://cdn.troryorng.com/wp-content/uploads/2024/06/20110302/malaysia.jpg)
![](https://cdn.troryorng.com/wp-content/uploads/2024/06/20110307/Myanmar-1.png)
តើក្រុមគោរព្រៃជំទងកម្ពុជា នឹងធ្វើបានល្អកម្រិតណាក្នុងពានរង្វាន់ 2024 ASEAN U-16 Boys Championship នៅប្រទេសឥណ្ឌូនេស៊ី?
![](https://cdn.troryorng.com/wp-content/uploads/2024/06/20110319/448700076_1001005978692352_8724545456851697930_n-1024x683.jpg)
![](https://cdn.troryorng.com/wp-content/uploads/2024/06/20110318/448526232_1001009908691959_3276082897849946250_n-1024x683.jpg)
![](https://cdn.troryorng.com/wp-content/uploads/2024/04/27142737/Troryorng-Telegram-1-1024x126-1-1-1-1.jpg)