ពានរង្វាន់ជើងឯកយុវជនប្រចាំតំបន់អាស៊ាន 2024 ASEAN U-16 Boys Championship ដែលប្រទេសឥណ្ឌូនេស៊ី ទទួលរៀបចំជាម្ចាស់ផ្ទះ គ្រោងនឹងរៀបចាប់ផ្តើមការប្រកួតនៅថ្ងៃទី២១ ខែមិថុនា រហូតដល់ថ្ងៃទី៤ ខែកក្កដា ឆ្នាំ២០២៤ មាន១២ក្រុមចូលរូមប្រកួត បែងចែកជា៣ពូល ក្នុង១ពូលមាន៤ក្រុម។
![](https://cdn.troryorng.com/wp-content/uploads/2024/06/21141038/aff-u16-2024-gn-20039c-1024x576-1.webp)
លទ្ធផលការចាប់ឆ្នោតនៃពានរង្វាន់ 2024 ASEAN U-16 Boys Championship៖
ពូល A៖ មានក្រុមម្ចាស់ផ្ទះឥណ្ឌូនេស៊ី, ឡាវ, ហ្វីលីពីន និងសិង្ហបុរី។
ពូល B៖ មានក្រុមជម្រើសជាតិវៀតណាម, មីយ៉ាន់ម៉ា, កម្ពុជា និងប៊្រុយណេ។
ពូលC៖ មានក្រុមជម្រើសជាតិថៃ, ម៉ាឡេស៊ី, ទីម័រខាងកើត និងអូស្រ្តាលី។
![](https://cdn.troryorng.com/wp-content/uploads/2024/06/21141043/AFF-U16-2024.jpg)
កម្មវីធីប្រកួតទាំង៣ពូល
![](https://cdn.troryorng.com/wp-content/uploads/2024/06/21141424/%E1%9F%A3.png)
![](https://cdn.troryorng.com/wp-content/uploads/2024/06/21141429/%E1%9F%A1-5.png)
![](https://cdn.troryorng.com/wp-content/uploads/2024/06/21141426/%E1%9F%A2-1.png)
នេះជាកម្មវីធីប្រកួតរបស់ក្រុមជម្រើសជាតិកម្ពុជា៖
- នៅថ្ងៃទី២២ ខែមិថុនា ឆ្នាំ២០២៤ កម្ពុជា ត្រូវប៉ះ មីយ៉ាន់ម៉ា វេលាម៉ោង ៧:៣០នាទីយប់នៅក្នុងកីឡដ្ឋាន Sriwedari Stadium ស្ថិតក្នុងទីក្រុងស៊ូរ៉ាកាតា ប្រទេសឥណ្ឌូនេស៊ី។
- នៅថ្ងៃទី២៤ ខែមិថុនា ឆ្នាំ២០២៤ កម្ពុជា បន្តប៉ះ ក្រុមវៀតណាម វេលាម៉ោង ៧:៣០នាទីយប់នៅក្នុងកីឡដ្ឋាន Sriwedari Stadium ស្ថិតក្នុងទីក្រុងស៊ូរ៉ាកាតា ប្រទេសឥណ្ឌូនេស៊ី។
- នៅថ្ងៃទី២៦ ខែមិថុនា ឆ្នាំ២០២៤ កម្ពុជា បន្តជួបក្រុមប្រ៊ុណេ វេលាម៉ោង ៣:៣០នាទីយប់នៅក្នុងកីឡដ្ឋាន Sriwedari Stadium ស្ថិតក្នុងទីក្រុងស៊ូរ៉ាកាតា ប្រទេសឥណ្ឌូនេស៊ី។
ពានរង្វាន់ជើងឯកយុវជនប្រចាំតំបនអាស៊ានASEAN U-16 Boys Championship បានបង្តើតឡើងដំបូងនៅឆ្នាំ២០០២ ហើយប្រទេសដែលទទួលរៀបចំជាម្ចាស់ផ្ទះច្រើនជាងគឺប្រទេសឥណ្ឌូនេស៊ី បាន៧លើកតែឯង ខណៈក្រុមដែលឈ្នះជើងឯកពានរង្វាន់នេះច្រើនគេបានលើប្រទេសថៃ និងវៀតណាម ម្នាក់៣លើកដូចគ្នា។
![](https://cdn.troryorng.com/wp-content/uploads/2024/06/21141511/IMG_0567-602x301-1-2.jpg)
![](https://cdn.troryorng.com/wp-content/uploads/2024/06/21141511/u1657032215PM-1.jpg)
ក្រុមជម្រើសជាតិថៃឈ្នះនៅឆ្នាំ២០០៧, ២០១១ និងឆ្នាំ២០១៥ ខណៈវៀតណាមឈ្នះនៅឆ្នាំ២០០៦, ២០១០ និងឆ្នាំ២០១៧។
ដោយលែកក្រុមមីយ៉ាន់ម៉ាឈ្នះ២លើកនៅឆ្នាំ២០០២ និងឆ្នាំ២០០៥, អូស្រ្តាលីឈ្នះ២លើកនៅឆ្នាំ២០០៨ និងឆ្នាំ២០១៦, ឥណ្ឌូនេស៊ីឈ្នះឆ្នាំ២០១៨ និងឆ្នាំ២០២២ ម៉ាឡេស៊ីឈ្នះនៅឆ្នាំ២០១៣ និងឆ្នាំ២០១៩ ខណៈក្រុមជប៉ុនឈ្នះបាន១លើកដែរក្នុងនាមជាក្រុមភ្ញៀវនៅឆ្នាំ២០១២។
![](https://cdn.troryorng.com/wp-content/uploads/2024/06/21141521/oz.12-1.jpg)
![](https://cdn.troryorng.com/wp-content/uploads/2024/06/21141529/4-4.png)
![](https://cdn.troryorng.com/wp-content/uploads/2024/06/21141525/japan-1-1024x576.jpg)
![](https://cdn.troryorng.com/wp-content/uploads/2024/06/21141521/malaysia-1.jpg)
![](https://cdn.troryorng.com/wp-content/uploads/2024/06/21141529/Myanmar-2.png)
![](https://cdn.troryorng.com/wp-content/uploads/2024/04/27142737/Troryorng-Telegram-1-1024x126-1-1-1-1.jpg)