កីឡាករ ៤រូប ស៊ុតបញ្ចូលទីបាន ២គ្រាប់មុនគេ នៅព្រឹត្តិការណ៍ UEFA Euro 2024

កីឡាករ ៤រូប​កំពុង​ស្ថិត​ ក្នុង​បញ្ជី Top Scorer ក្នុង​នោះ​រួម​មានកីឡាករ NiclasFüllkrug និង JamalMusiala របស់អាល្លឺម៉ង់ Georges Mikautadze របស់ហ្សកហ្ស៊ី និងកីឡាករ Ivan Schranz របស់ស្លូវ៉ាគី រកបាន ២គ្រាប់ដូចគ្នា ពីរាត្រីថ្ងៃទី២៤ នៃព្រឹត្តិការណ៍ UEFA Euro 2024។

កីឡាករ Niclas Füllkrug របស់អាល្លឺម៉ង់ រកបាន ២គ្រាប់ ក្នុងជំនួនប៉ះស្កុតឡេន ១គ្រាប់ និងប៉ះស្វីស គ្រាប់

កីឡាករ Jamal Musiala របស់អាល្លឺម៉ង់ រកបាន ២គ្រាប់ ក្នុងជំនួនប៉ះ ស្កុតឡេន ១គ្រាប់ និងប៉ះ ហុងគ្រី ១គ្រាប់

កីឡាករ Georges Mikautadze របស់ហ្សកហ្ស៊ី រកបាន ២គ្រាប់ក្នុងជំនួនប៉ះតួរគី ១គ្រាប់ និងប៉ះសាធារណរដ្ឋឆេក ១គ្រាប់

កីឡាករ Ivan Schranz របស់ស្លូវ៉ាគី រកបាន ២គ្រាប់ ក្នុងជំនួនប៉ះ បែលហ្សិក ១គ្រាប់ និងប៉ះអ៊ុយក្រែន ១គ្រាប់

គិត​ត្រឹម​ជំនួបថ្ងៃទី២៤ បាន​រក​ឃើញ​ក្រុមចំនួន ៥ហើយ​ដែល​បាន​កក់កៅអីវគ្គ ១៦ក្រុម រួម​មាន​ក្រុមជម្រើសជាតិអ៊ីតាលី ក្លាយជាប្រទេសទី៥ បន្ទាប់ពីម្ចាស់ផ្ទះអាល្លឺម៉ង់, អេស្ប៉ាញ ,ព័រទុយហ្គាល់ និងស្វីស។

កម្មវិធីប្រកួត នៅយប់នេះ រួម​មាន៖

• ហូឡង់ ប៉ះ អូទ្រីស វេលាម៉ោង ១១:០០នាទីយប់
• បារាំង ប៉ះ ប៉ូឡូញ វេលាម៉ោង ១១:០០នាទីយប់
• អង់គ្លេស ប៉ះ ស្លូវ៉ានី វេលាម៉ោង ២:០០នាទីរំលង់អាធ្រាត
• ដាណឺម៉ាក ប៉ះ ស៊ែប៊ី វេលាម៉ោង ២:០០នាទីរំលង់អាធ្រាត

ពានរង្វាន់ជើងឯកទ្វីបអឺរ៉ុប UEFA Euro 2024 ឬ 2024 UEFA European Football Championship ដែលប្រទេសអាល្លឺម៉ង់ ទទួលរៀបចំធ្វើជាម្ចាស់ផ្ទ នឹងដំណើរការប្រកួតចាប់ពីនៅថ្ងៃទី១៤ ខែមិថុនា ដល់ថ្ងៃទី១៤ ខែកក្កដា ឆ្នាំ២០២៤ ដោយប្រើប្រាស់កីឡដ្ឋានចំនួន ១០ នៅក្នុងទីក្រុងចំនួន ១០ ផ្សេងគ្នា សរុបចំនួន ៥១ ប្រកួតរបស់ក្រុមដែលចូលរួមទាំង ២៤។

គួរដឹងថាពានរង្វាន់ជើងឯកបាល់ទាត់ផ្នែកបុរស UEFA Euro ត្រូវបានបង្កើតឡើងដំបូងនៅឆ្នាំ១៩៥៨ បច្ចុប្បន្នមានអាយុកាល ៦៦ឆ្នាំ ស្របពេលក្រុមជម្រើសជាតិអាល្លឺម៉ង់ និងក្រុមអេស្ប៉ាញ ឈ្នះពាននេះបាន ៣លើកស្មើគ្នា ខណៈក្រុមការពារតំណែងជើងឯកគឺក្រុមជម្រើសជាតិអ៊ីតាលី៕