កណ្តាល ៖ បុរសម្នាក់ និងក្មេងស្រីម្នាក់រងរបួសធ្ងន់ ក្នុងហេតុការណ៍គ្រោះថ្នាក់ចរាចរណ៍ បង្កឡើងរវាងមូតូហុងដាឌ្រីម ជិះបុកគ្នាជាមួយម៉ូតូស្កុបពី ច្រាសទិស កាលពីវេលាម៉ោង៧និង៤០នាទីយប់ថ្ងៃទី៣០ ខែមិថុនា ឆ្នាំ២០២៤ នៅតាមផ្លូវលំ ក្នុងភូមិចំបក់ត្រប់ ឃុំព្រែករកា ស្រុកកណ្តាលស្ទឹង ខេត្តកណ្តាល ។
![](https://cdn.troryorng.com/wp-content/uploads/2024/07/01115530/474-1024x575.jpg)
តាមសមត្ថកិច្ចបានឱ្យដឹងថា ភាគីខាងម៉ូតូម៉ាកហុងដាឌ្រីម ពណ៌ខ្មៅ ពាក់ស្លាកលេខ តាកែវ 1E-1122 បើកបរដោយឈ្មោះ យ៉ុង ថៃ ភេទប្រុស អាយុ៣៥ឆ្នាំ មានទីលំនៅភូមិចំបក់ ឃុំពត់ស ស្រុកបាទីខេត្តតាកែវ ។ ចំណែកភាគីខាងម៉ូតូ ម៉ាកស្កុបពី ពណ៌ស ពាក់ស្លាកលេខ កណ្តាល 1R-2039 បើកបរដោយឈ្មោះ រតនា សុម៉ាលី ភេទស្រី អាយុ១៧ឆ្នាំ មានទីលំនៅភូមិបឹងក្អែក ឃុំព្រែករកា ស្រុកកណ្តាលស្ទឹង ខេត្តកណ្តាល។
តាមប្រភពបានឱ្យដឹងថា មុនកើតហេតុ ម៉ូតូហុងដាឌ្រីម ជិះពីលិចទៅកើត ដល់ចំណុចកើតហេតុ បុកគ្នាជាមួយម៉ូតូស្កុបពី ជិះពីកើតទៅលិច ច្រាសទិសគ្នា បណ្តាលឱ្យរងរបួសធ្ងន់សងខាង ។
![](https://cdn.troryorng.com/wp-content/uploads/2024/07/01115544/473-1024x575.jpg)
ក្រោយកើតហេតុ ជនរងគ្រោះទាំង២នាក់ត្រូវបានរថយន្តសង្គ្រោះរបស់ប្រតិបត្តិស្រុកកណ្តាលស្ទឹងដឹកយកទៅ ចំណែកម៉ូតូទាំង២គ្រឿង ត្រូវបានសមត្ថកិច្ចវាស់វែងយកទៅរក្សាទុក រងចាំភាគីសងខាងចូលខ្លួនដោះស្រាយគ្នាពេលក្រោយ ៕
![](https://cdn.troryorng.com/wp-content/uploads/2024/07/01115558/472-1024x575.jpg)
អត្ថបទ៖តាតុងសែនជ័យ
![](https://cdn.troryorng.com/wp-content/uploads/2024/04/27142737/Troryorng-Telegram-1-1024x126-1-1-1-1.jpg)