កីឡាករដេញបាល់លឿន ផុល រតន: ក៏ជាសមាជិកមួយដ៏សំខាន់ក្នុងការរួមចំណែកជួយក្រុមជម្រើសជាតិបាល់ទះកម្ពុជា ដណ្ដើមបានទឹកប្រាក់ ១០០លានរៀលពីពានរង្វាន់សម្តេចមហាបវធិបតី ហ៊ុន ម៉ាណែត ឆ្នាំ២០២៤ (SAMDECH MOHA BORVOR THIPADEI -2024) និងទទួលកៅអីឡើងទៅវគ្គបន្តក្នុងពាន SEA V.League នៅឆ្នាំ២០២៥។
សម្រាប់ការត្រៀមខ្លួនឡើងទៅកាន់ជុំបន្តគឺការប្រកួត SEA V.League នៅឆ្នាំ២០២៥ ដែលមានថៃ ឥណ្ឌូណេស៊ី ហ្វីលីពីន រូបគេបានតាំងចិត្តរួចរាល់ ណាមួយគឺយើងចង់ដឹងពីសមត្ថភាពរបស់ប្រទេសទាំង៣ ដែលកំពិងរង់ចាំ ថាសមត្ថភាព បច្ចេកទេស ដើរដល់កម្រិតណាហើយ។
ទស្សនាកិច្ចសម្ភាសន៍ពេញជាមួយកីឡាករ ផុល រតន: ខាងក្រោម៖
សូមបញ្ជាក់ថា បេក្ខភាពក្នុងពានរង្វាន់សម្ដេចមហាបរវធិបតី ហ៊ុន ម៉ាណែត SAMDECH MOHA BORVOR THIPADEI -2024 ជ្រើសចេញពីពានរង្វាន់ SEA V.League Challenge ដោយមានក្រុមចូលរួមចំនួន៤ រួមមានកម្ពុជា ឡាវ ម៉ាឡេស៊ី និងសិង្ហបុរី ដែលចាប់ប្រកួតពីថ្ងៃទី៣០ខែសីហា ដល់ថ្ងៃទី១ ខែកញ្ញា ឆ្នាំ២០២៤ នៅវិមានពហុកីឡដ្ឋានជាតិ។
សរុបចំណាត់ថ្នាក់និងប្រាក់រង្វាន់ក្នុងពានរង្វាន់សម្ដេចមហាបរវធិបតី ហ៊ុន ម៉ាណែត SAMDECH MOHA BORVOR THIPADEI -2024មាន៖
- លេខ១ ក្រុមកម្ពុជា ទទួលទឹកប្រាក់លើកទឹកចិត្តចំនួន ១០០ លានរៀល
- លេខ២ ក្រុមម៉ាឡេស៊ី ទទួលទឹកប្រាក់លើកទឹកចិត្ត ចំនួន ៣០ លានរៀល
- លេខ៣ ក្រុមសិង្ហបុរី ទទួលទឹកប្រាក់លើកទឹកចិត្ត ចំនួន ២០ លានរៀល
- លេខ៤ ក្រុមឡាវ ទទួលទឹកប្រាក់លើកទឹកចិត្ត ចំនួន១០ លានរៀល
ដូច្នេះ ក្រុមបាល់ទះជម្រើសជាតិកម្ពុជា ទទួលបានជ័យលាភី ក្នុងនោះទី១ ទទួលបានឱកាសឡើងទៅប្រកួតក្នុងពានរង្វាន់តំបន់អាស៊ាន SEA V.League ឆ្នាំ២០២៥ ជាមួយក្រុមថៃ ឥណ្ឌូណេស៊ី និងហ្វីលីពីន និងទី២ ទទួលបានប្រាក់រង្វាន់១០០លានរៀល៕
