ពានរង្វាន់សម្តេចតេជោ ហ៊ុន សែន ជើងឯកថ្នាក់ជាតិ លើកទី១៩ ឆ្នាំ២០២៥-២៦ បានឈានដល់ការប្រកួតវគ្គ៨ក្រុមចុងក្រោយហើយ ដោយនៅថ្ងៃទី៤ ខែកុម្ភៈ ឆ្នាំ២០២៦ នេះក្រុមបាល់ទាត់បឹងកេត ត្រូវធ្វើដំណើរទៅកីឡដ្ឋានស្តាតចាស់ ដើម្បីប៉ះក្រុមកងយោធពលខេមរភូមិន្ទ រីឯក្រុមវិសាខា ត្រូវធ្វើដំណើរទៅខេត្តកំពង់ស្ពឺ ត្រៀមជួបក្រុមណាហ្គាវើលដ៍ សម្រាប់ជើងទី១ ។
លទ្ធផលការប្រកួតវគ្គ៨ក្រុម៖
ជើងទី១
– គីរីវង់សុខសែនជ័យ ២-១ ព្រះខ័នរាជស្វាយរៀង នៅកីឡដ្ឋានគីរីវង់សុខសែនជ័យ
– អាយអេសអាយ ដង្កោសែនជ័យ ២-២ ភ្នំពេញក្រោន នៅកីឡដ្ឋាន ISI Park
កម្មវិធីប្រកួតបន្តជើងទី១
– ថ្ងៃទី៤ ខែមីនា ឆ្នាំ២០២៥ កងយោធពលខេមរភូមិន្ទ ប៉ះ បឹងកេត នៅកីឡដ្ឋានស្តាតចាស់
– ថ្ងៃទី៤ ខែមីនា ឆ្នាំ២០២៥ ណាហ្គាវើលដ៍ ប៉ះ វិសាខា នៅកីឡដ្ឋានខេត្តកំពង់ស្ពឺ
កម្មវិធីប្រកួតវគ្គ៨ក្រុមចុងក្រោយទាំងពីរជើង
កីឡាករទាត់បញ្ចូលទីច្រើនជាងគេ ត្រឹមវគ្គ១៦ក្រុម
សូមជម្រាបថា ពានរង្វាន់សម្តេចតេជោ ហ៊ុន សែន ជើងឯកថ្នាក់ជាតិ លើកទី១៩ ចាប់ផ្តើមពីថ្ងៃទី២១ ខែមករា ដល់ថ្ងៃទី២៤ ខែឧសភា ឆ្នាំ២០២៦ ដោយតម្រូវឱ្យក្រុមទាំង១៦ ប្រកួតប៉ះដៃគូចំនួន២ជើង ក្នុងនិងក្រៅដី។
ក្រុមទាំង១៦ ដែលមានគ្រាប់បាល់ច្រើនជាងគេសរុបទាំងពីរជើង នឹងឡើងទៅវគ្គបន្ត ដោយគិតពីវគ្គ១៦ក្រុម ដល់វគ្គពាក់កណ្តាលផ្តាច់ព្រ័ត្រ ខណៈវគ្គផ្តាច់ព្រ័ត្រ គឺធ្វើតែមួយជើងទេ នៅទឹកដីកណ្តាល។
សូមរំឭកថា ក្រុមមន្ទីរ អយក ខេត្តកំពង់ចាម ម្ចាស់ជើងឯក ពានរង្វាន់សម្តេចតេជោ ហ៊ុន សែន (Hun Sen Cup) ជើងឯកថ្នាក់ខេត្ត លើកទី១៩ ឆ្នាំ២០២៥-២៦ ក្រោយយកឈ្នះក្លិបបាល់ទាត់ឡាយអ៊ិនឃីង ខេត្តសៀមរាប ២-១ នៅវគ្គផ្ដាច់ព្រ័ត្រ ក្នុងពហុកីឡដ្ឋានជាតិ រាជធានីភ្នំពេញ កាលពីថ្ងៃទី២១ ធ្នូ ២០២៥។
សម្រាប់ពានរង្វាន់សម្តេចតេជោ ហ៊ុន សែន (18th Hun Sen Cup) ថ្នាក់ជាតិ ត្រូវរៀបចំឡើងតាំងពីឆ្នាំ២០១៧ ដែលធ្វើឡើងជារៀងរាល់ឆ្នាំ ដោយព្រះខ័នរាជស្វាយរៀង ឈ្នះជើងឯកបានច្រើនជាងគេ ៥លើក ក្រសួងការពារជាតិ វិសាខា បានចំនួន៣លើក ភ្នំពេញក្រោន បាន ២លើក ខណ:ណាហ្គាវើលដ៍ ក្រសួងមហាផ្ទៃ បឹងកេត និងខេមរកីឡា ឈ្នះបាន ១លើកដូចគ្នា៕
