ក្រុមបាល់ទះ Foolad Sirjan មកពីអ៊ីរ៉ង់ យកឈ្នះក្រុម Shahdab Yazd មកពីអ៊ីរ៉ង់ ដូចគ្នា ដណ្ដើមបានមេដាយមាស នៃការប្រកួតបាល់ទះជើងឯកប្រចាំទ្វីបអាស៊ី 2024 Asian Men’s Club Volleyball Championship ដែលបានរៀបចំឡើងនៅទីក្រុង Yazd ប្រទេសអ៊ីរ៉ង់។
លទ្ធផលវគ្គផ្ដាច់ព្រ័ត្រ និងដណ្ដើមចំណាត់ថ្នាក់លេខ៣៖
- ដណ្ដើមជើងឯក៖ Shahdab Yazd (អ៊ីរ៉ង់) ០-៣ Foolad Sirjan (អ៊ីរ៉ង់) (20–25 18–25 23–25)
- ដណ្ដើមចំណាត់ថ្នាក់លេខ៣៖ Jakarta Bhayangkara Presisi (ឥណ្ឌូណេស៊ី) ៣-០ Pavlodar Volleyball Club (កាហ្សាក់ស្ថាន) (25–15, 25–14, 25–19 )
សម្រាប់ចំណាត់ថ្នាក់ ក្រុមទាំង ៨រួមមាន ដូចខាងក្រោម៖
- មេដាយមាស៖ ក្រុម Foolad Sirjan (អ៊ីរ៉ង់)
- មេដាយប្រាក់៖ ក្រុម Shahdab Yazd (អ៊ីរ៉ង់)
- មេដាយសំរឺទ្ធ៖ ក្រុម Indonesia Jakarta Bhayangkara Presisi (ឥណ្ឌូណេស៊ី)
- លេខ៤៖ ក្រុម Pavlodar Volleyball Club (កាហ្សាក់ស្ថាន)
- លេខ៥៖ ក្រុម Al Rayyan (កាតា)
- លេខ៦៖ ក្រុម South Gas (អ៊ីរ៉ាក់)
- លេខ៧៖ ក្រុម Kam Air (អាហ្វហ្គានីស្ថាន)
- លេខ៨៖ ក្រុម Kuwait SC (គុយវែត)
សម្រាប់ពានរង្វាន់ Asian Men’s Club Volleyball Championship 2024 បានចាប់ផ្តើមចន្លោះកាលពីថ្ងៃទី៨ ដល់ថ្ងៃទី១៥ ខែកញ្ញា នៅទីក្រុង Yazd ប្រទេសអ៊ីរ៉ង់។
ពានរង្វាន់ Asian Men’s Club Volleyball Championship បង្កើតឡើងដំបូងនៅឆ្នាំ ១៩៩៩ ដោយប្រកួតរាល់១ឆ្នាំម្តង ប៉ុន្តែមានការកំណត់កូតាតាមជា៤តំបន់ក្នុងទ្វីបអាស៊ី ដោយក្នុងនោះមានអាស៊ីកណ្តាល, អាស៊ីខាងលិច, អាស៊ីខាងកើត និងអាស៊ីភាគអាគ្នេយ៍។ ក្លិបមកពីប្រទេសអ៊ីរ៉ង់ ឈ្នះពានរង្វាន់នេះច្រើនជាងគេ គឺរហូតដល់១៦ ដង ខណៈក្លិប Paykan Tehran ឈ្នះបាន៨ដងម្នាក់ឯង៕
