ការប្រកួត The Mobile Legends: Bang Bang Professional League – Cambodia (MPL-KH) រដូវកាលទី៧ បានដំណើរការដល់ សប្ដាហ៍ទី៥ហើយ នៅថ្ងៃទី២៨-២៨ កញ្ញានេះ ដោយការប្រកួតមានចំនួន ៤គូរ រយ:ពេល ២ថ្ងៃ។
ដោយឡែកសម្រាប់ក្រុម CFU Gaming ត្រូវបានជាប់ភារកិច្ចទៅចូលរួមប្រកួត ក្នុងព្រឹត្តិការណ៍ប្រកួតកីឡាអេឡិចត្រូនិកចិន-អាស៊ាន China-ASEAN Esports Competition 2024ដែលរៀបចំដោយសហព័ន្ធកីឡាអេឡិចត្រូនិកអាស៊ី។
កម្មវិធីប្រកួត សប្ដាហ៍ទី៥ ថ្ងៃទី២៨-២៨ កញ្ញា ២០២៤នេះ៖
ក្រុម CFU Gaming បន្តឈរកំពូលតារាង ក្រោយយកឈ្នះក្នុងប្រកួតចុងក្រោយលើកក្រុម See You Soon ២-០ និងយកឈ្នះ Duck Rice ២-១ ។ ត្រឹមសប្ដាហ៍ទី៤ ក្រុម CFU Gaming នៅតែបន្តឈរកំពូលតារាង ក្រោយឆ្លងកាត់ ៧ប្រកួត ឈ្នះ១៣ហ្គេម និងចាញ់តែ ៣ហ្គេមប៉ុណ្ណោះ។
ការប្រកួត MPL-KH រដូវកាលទី៧ មានការចូលរួមពី ៨ក្រុមខ្លាំហើយបានប្រមូលផ្តុំទៅដោយកីឡាករអាជីពទាំងក្នុង និងកីឡាករអាជីពពីបរទេសចូលរួមរួមមាន៖ ក្រុម See You Soon, Galaxy Legends, Team Flash KH, CFU Gaming, Duck Rice Esport, PRO Esports, Team Max និងក្រុម Team SV។
សម្រាប់ក្រុមជើងឯកនៅក្នុងការប្រកួត MPL KH រដូវកាលទី៧នេះ នឹងទទួលបានកៅអីទៅចូលរួមប្រកួតក្នុងព្រឹត្តិការណ៍ M6 World Championship ដែលប្រព្រឹត្តិទៅនៅទីក្រុង Kuala Lumpur ប្រទេសម៉ាឡេស៊ី នាអំឡុងខែវិច្ឆិកា រហូតដល់ខែធ្នូ ចុងឆ្នាំ២០២៥នេះ ខណ:មានប្រាក់រង្វាន់សរុបប្រមាណជា ១លានដុល្លារ៕
