កីឡាករ eFootball ចំនួន ៥រូប មកពីក្លិប ៥នៅអុីខេមបូឌានព្រីមៀរលីគឆ្នាំ២០២៤/២៥ បានលេងតំណាងឱ្យកម្ពុជា ប្រកួតមិត្តភាពអន្តរជាតិ ជាមួយក្រុមមីយ៉ាន់ម៉ា បានបញ្ចប់ទៅដោយជោគជ័យ ដែលជាត្រៀមការប្រកួតបើករដូវកាលថ្មី នៃពានរង្វាន់អុីខេមបូឌានព្រីមៀរលីគឆ្នាំ២០២៤/២៥ ដែលជាការប្រកួតលីគ ក្នុងវញ្ញាសារ Console។
ការប្រកួតមិត្តភាពអន្តរជាតិ រវាងក្រុមកម្ពុជា ប្រកួតជាមួយ ក្រុមមកមីយ៉ាន់ម៉ា ត្រូវធ្វើឡើងកាលពីថ្ងៃទី៨ ខែតុលា ឆ្នាំ២០២៤ ដោយបញ្ចប់ទៅលទ្ធផលដូចខាងក្រោម៖
សម្រាប់សមាសភាពកីឡាករ ៥រូប មកពីក្លឹបបាល់ទាត់ទាំង៥ ដែលត្រៀមលេងតំណាងឱ្យកម្ពុជាមាន មកពីក្លិបបាល់ទាត់គិរីវង់ សុខសែនជ័យ, ក្លិបបាល់ទាត់ Tiffy Army, ក្លិបាបាល់ទាត់ភ្នំពេញក្រោន, ក្លិបបាល់ទាត់បឹងកេត និងក្លិបបាល់ទាត់ណាហ្គាវើលដ៍។
គួរបញ្ជាក់ថា ពានរង្វាន់អុីខេមបូឌានព្រីមៀរលីគឆ្នាំ២០២៤/២៥ ដែលជាការប្រកួតលីគ ក្នុងវញ្ញាសារ Console បញ្ជីឈ្មោះកីឡាករ និងក្លឹបបាល់ទាត់កម្ពុជាទាំង ១១ នៅលីគកំពូលកកម្ពុជា នឹងត្រូវចាប់ឆ្នោត រួចរាល់កាលពីថ្ងៃទី២៥ ខែកញ្ញា នៅសណ្ឋាគារ Fairfield by Marriott ខណ: ការប្រកួត នឹងចាប់ផ្តើមពីថ្ងៃសុក្រ ទី១៨ ខែតុលា ឆ្នាំ២០២៤ខាងមុខនេះ៕
