បន្ទាប់ពីចែកផ្លូវជាមួយក្រុមជម្រើសជាតិកម្ពុជា កាលពីថ្ងៃទី១៣ ខែកញ្ញា ឆ្នាំ២០២៤ កន្លងទៅ ស្រាប់តែនៅព្រឹកថ្ងៃទី៩ ខែតុលា លោក Felix Dalmas អតីតគ្រូបង្វឹកក្រុមជម្រើសជាតិកម្ពុជា បានចេញសារពីចំណុចវិជ្ជមានមួយចំនួនអំឡុងលោកនៅដឹកនាំ។
លោក Felix Dalmas បានថ្លែងថា៖«ជម្រាបសួរបងប្អូនអ្នកគាំទ្របាល់ទាត់កម្ពុជា ជាទីគោរព! អីឡូវនេះដល់ពេលដែលត្រូវបិទជំពូកមួយនេះហើយ។ តែសូមរំលឹកបន្តិចនៅឆ្នាំ ២០១៩ ពេលដែលយើងបានបង្កើតប្រវត្តិសាស្រ្តរួមគ្នា ក្នុងអំឡុងស៊ីហ្គេម និងក្នុងការប្រកួត AFF ដែលបានបង្ហាញពីអ្វីដែលក្រុមបាល់ទាត់កម្ពុជា អាចធ្វើបាននៅក្នុងតំបន់អាស៊ីអាគ្នេយ៍ និងនាំមកនូវដោយភាពរុងរឿង និងសេចក្តីសុខសុភមង្គលដល់អ្នកគាំទ្រកម្ពុជាជាខ្លាំង»។
លោកបន្តទៀតថា៖«ហើយពេលនោះដែរ យើងពិតជាលើកកម្ពស់បាល់ទាត់កម្ពុជាបានល្អ ប្រសើរខ្លាំងខ្លាមែនទែន។ យើងមិនស្គាល់ភាពចាញ់ទាល់តែសោះក្នុងការប្រកួតក្នុងផ្ទះអស់រយៈពេលមួយឆ្នាំ ហើយបានរក្សាភាពខ្លាំងក្នុងទឹកដីរបស់យើងទល់នឹងគូប្រជែងខ្លាំងៗជាច្រើន រួមទាំងក្នុងការប្រកួតក្រៅដីផងដែរ»។
លោក Felix បន្ថែម៖«យើងបានបើកទ្វារទទួលយកនៅកីឡាករបរទេសចូលសញ្ជាតិ។ យើងបានផ្តល់ឱកាស និងអភិវឌ្ឍគ្រូបង្វឹកក្នុងស្រុកជាច្រើន។ យើងបាននាំបាល់ទាត់កម្ពុជា ខិតទៅជិតសក្តានុពលពិតរបស់វា ជាមួយនឹងមនោគមវិជ្ជាលេងយ៉ាងច្បាស់លាល់។ យើងបានលើកកម្ពស់ស្តង់ដារ និងកម្រិតរបស់ក្រុមជម្រើសជាតិ ពង្រឹងការប្រកួត ដើម្បីឲ្យអ្នកដែលបន្តអភិវឌ្ឍកីឡាទៅថ្ងៃអនាគត មានមូលដ្ឋានគ្រឹះរឹងមាំ ដើម្បីជំរុញប្រទេសកម្ពុជាឆ្ពោះទៅមុខជានិច្ច។ ហើយក្រុមបាល់ទាត់មួយនេះស្ថិតនៅលើចំណុចរបត់នៃក្រុមហ្វុតបូលកម្ពុជា ហើយនឹងបន្តរីកចម្រើនជាមួយនឹងទេពកោសល្យកីឡាករកម្ពុជាដែលកំពុងបន្តអនុវឌ្ឍន៍ដើម្បីភាពរីកចម្រើនទៅមុខ»។
អតីតគ្រូបង្វឹកក្រុមជម្រើសជាតិកម្ពុជា បន្ត៖«មានមនុស្សល្អៗជាច្រើនដែលកំពុង ធ្វើការក្នុងវិស័យបាល់ទាត់កម្ពុជាមួយនេះ។ ខ្ញុំសូមថ្លែងអំណរគុណចំពោះបុគ្គលិកដែលបានទទួលខុសត្រូវលើការជំរុញក្នុងវិស័យអភិវឌ្ឍន៍ និងកំពុងហ្វឹកហ្វឺនរបស់បាល់ទាត់ប្រទេសកម្ពុជាយ៉ាងខ្លាំងក្លា នៅទូទាំងជំរុំហ្វឹកហាត់ជាច្រើន៖ អ្នកពិងជាមានអនាគតដ៏អស្ចារ្យនៅខាងមុខរបស់អ្នក។ សូមអរគុណដល់កីឡាករទាំងអស់ដែលបានលះបង់គ្រប់បែបយ៉ាង និងតស៊ូ ហើយជឿជាក់លើវិស័យបាល់ទាត់របស់កម្ពុជាយើង៖ សូមបន្តការពារពណ៌ (Color) បាល់ទាត់កម្ពុជាដោយទឹកចិត្ត ជាមួយទេពកោសល្យ និងស្មារតីអង្គអាចក្លាហានរបស់អ្នក»។
លោក Felix Dalmas ជាចុងក្រោយ៖«សូមអរគុណដល់បងប្អូនទាំងអ្នកគាំទ្រអស់ដែលជឿរជាក់លើពួកយើង និងគាំទ្រពួកយើងរហូតដល់ទីបញ្ចប់ ខ្ញុំសូមជូនពរបងប្អូនខ្មែរទាំងអស់ជាទីគោរពនូវសុខភាពល្អ។ ខ្ញុំពិតមានមោទនភាពខ្លាំងណាស់ដែលបានក្លាយជាផ្នែកមួយនៃប្រវត្តិសាស្រ្តរបស់បាល់ទាត់ប្រទេសកម្ពុជា ហើយខ្ញុំទន្ទឹងរង់ចាំមើលថា តើកម្ពុជា នឹងធ្វើអ្វីបន្ទាប់ទៀត។ ខ្ញុំនឹងបន្តគាំទ្រមនុស្សល្អៗដែលធ្វើការដើម្បីធ្វើឱ្យក្រុមបាល់ទាត់កម្ពុជាកាន់តែប្រសើរឡើង។ សូមសំណាងល្អ និងជោគជ័យទាំងអស់គ្នា។ រហូតដល់ វិស័យបាល់ទាត់មួយនេះ នាំយើងមកជួបជាមួយគ្នាម្តងទៀត។ សូមអរគុណ»៕
