សហព័ន្ធកីឡាអេឡិចត្រូនិកកម្ពុជា នៅរសៀលថ្ងៃទី១១ ខែវិច្ឆិកានេះ បានរៀបចំសន្និសិតសារព័ត៌មាន ស្ដីពីការប្រកួតកីឡាអេឡិចត្រូនិកជ្រើសរើសជើងឯកថ្នាក់ជាតិ ឆ្នាំ២០២៤ សម្រាប់វិញ្ញាសា Mobile Legend Bang Bang និង វិញ្ញាសា eFootball។
ឯកឧត្តម ជា ច័ន្ទបរិបូរណ៍ អគ្គលេខាធិការក្រសួងព័ត៌មាន និងជាប្រធានសហប័ន្ធកីឡាអេឡិចត្រូនិកកម្ពុជា បានមានប្រសាសន៍ថា ក្នុងនាមប្រធានសហព័ន្ធកីឡាអេឡិចត្រូនិកកម្ពុជា ពិតជាមានអារម្មណ៍សប្បាយរីករាយដែលបានឃើញពីសមិទ្ធផលថ្មី សម្រាប់ក្រុមកីឡាការិនីរបស់យើង ដែលត្រៀមតំណាងកម្ពុជាទៅប្រកួតជើងឯកពិភពលោកនាពេលខាងមុន ក៏ដូចជាកីឡាករដទៃទៀត។
ឯកឧត្តម បានបន្តថាសម្រាប់វិស័យ E-Sports នេះគឺជាវិស័យមួយដែលមានការដើរលឿនមែនទែនប្រសិនបើយើងតាមមិនទាន់សភាពការណ៍ គឺយើងដើរមិនទាន់គេទេ តែយ៉ាងណាមិញសម្រាប់កម្ពុជា ក៏មិនយឺតដែរថ្បិតថាយើងដើរក្រោយគេបន្តិក៏ពិតមែននៅក្នុងតំបន់ ប៉ុន្តែសម្រាប់ដំណើររបស់យើងមិនយឺតទេ នេះក៏ដោយសារគោលនិយោបាល់របស់រាជរដ្ឋភិបាល ពិសេសវិស័យ E-Sports នេះគឺជាវិស័យដែលមិនមានការអន់ថយឡើយ។
ក្នុងនោះផងដែរសម្រាប់កីឡាអេឡិចត្រូនិកជ្រើសរើសជើងឯកថ្នាក់ជាតិ ឆ្នាំ២០២៤ ការបើកចុះឈ្មោះពីថ្ងៃទី៣១ ខែតុលា ដល់ ថ្ងៃទី៥ ខែវិច្ឆិកា ឆ្នាំ២០២៤ សម្រាប់វិញ្ញាសា MLBB និង eFootball Mobile ។ ក្រោយពីបើកការចុះឈ្មោះរយៈពេល ៦ថ្ងៃ ទទួលបានក្រុមចូលរួមចំនួន ៣៧៦ក្រុមលើវិញ្ញាសា MLBB និង ៨១៤នាក់លើ វិញ្ញាសា eFootball Mobile។
សម្រាបការប្រកួតជម្រុះតាម Online ត្រូវបានធ្វើឡើងតាមការបរិច្ឆេតដូចខាងក្រោម៖
- វិញ្ញាសា eFootball ពី៦ ខែវិច្ឆិកា ឆ្នាំ២០២៤
- វិញ្ញាសា MLBB ចាប់ពីថ្ងៃ៨ វិច្ឆិកា ឆ្នាំ២០២៤
ការប្រកួត Offline នៅ T..Y Center
- វិញ្ញាសា eFootball នៅថ្ងៃទី១៩ ដល់ ២០ វិច្ឆិកា ឆ្នាំ២០២៤
- វិញ្ញាសា MLBB នៅថ្ងៃទី២៣ ដល់ ២៤ ខែវិច្ឆិកា ឆ្នាំ២០២៤
រូបមន្តនៃការប្រកួត
- វិញ្ញាសា MLBB ៖ ប្រកួតជម្រុះ Online ជ្រើសររើសយក៨ ទៅប្រកួត Offline រហូតដល់ផ្តាច់ព្រ័ត្រ។ (៧ Invited MPL & Academy T.Y)
- វិញ្ញាសា eFootball ៖ ប្រកួតជម្រុស Online ជ្រើសរើសយក៣២ក្រុម ទៅប្រកួត Offline រហូតដល់ផ្តាច់ព្រ័ត្រ
ក្រុម ៨ ដែលឈ្នះការប្រកួតជម្រុះ នឹងត្រូវប៉ះគ្នាជាមួយក្រុម ៨ ដែលត្រូវបានអញ្ជើញដោយផ្ទាល់ មកកាន់វគ្គ ១៦ក្រុមចុងក្រោយនេះ ប្រកួតកីឡាអេឡិចត្រូនិកជ្រើសរើសជើងឯកថ្នាក់ជាតិ ឆ្នាំ២០២៤ សម្រាប់វិញ្ញាសា Mobile Legend Bang មានដូចខាងក្រោម។
ការប្រកួតកីឡាអេឡិចត្រូនិកជ្រើសរើសជើងឯកថ្នាក់ជាតិ ឆ្នាំ២០២៤ ប្រាក់រង្វាន់សរុបចំនួន ១៦លានរៀន ក្នុងនោះសម្រាប់រៀនវិញ្ញាសា MLBB មានប្រាក់រង្វាន់ ១២.៥ លានរៀល៖
- លេខ១៖ ៦ លានរៀល
- លេខ២៖ ៤លានរៀល
- លេខ៣៖ ២,៥លានរៀល
វិញ្ញាសា Efootball មានប្រាក់រង្វាន់ ៣,៥ លានរៀល
- លេខ១៖ ១.៤ លានរៀល
- លេខ២៖ ១.២ លានរៀល
- លេខ៣៖ ៩០០,000 រៀល
ក្រៅពីរៀបចំការប្រកួតជ្រើសរើសជើងឯកថ្នាក់ជាតិ ឆ្នាំ២០២៤ ឯកឧត្តម លន់ សាមឌី អគ្គលេខាធិការសហព័ន្ធកីឡាអេឡិចត្រូនិកកម្ពុជា បានលើកឡើងថា សហព័ន្ធកីឡាអេឡិចត្រូនិកកម្ពុជា នឹងបញ្ជូនក្រុមកីឡាការិនីមកពីក្រុម CFU Serendipity (MLBB) តំណាងក្រុមជម្រើសជាតិ (ANGKOR WARRIORS) ចូលរួមប្រកូត ជើងឯកពិភពលោក លើកទី១៦ នៅរាជធានីរីយ៉ាត ព្រះរាជាណាចក្រអារ៉ាប់ប៊ីសាអូឌីតពី ថ្ងៃទី១១ ដល់ថ្ងៃទី១៩ ខែវិច្ឆិកា ឆ្នាំ២០២៤។ នៅពេលនោះសហព័ន្ធនឹងចូលមហាសន្និបាតប្រចាំឆ្នាំរបស់ សហព័ន្ធកីឡាអេឡិចត្រូនិកអន្តរជាតិ (IESF)ផងដែរ។
ឯកឧត្តម បន្តថា បន្ទាប់មក ក្រុមកីឡាករនិងកីឡាការិនី ជម្រើសជាតិ (ANGKOR WARRIORS ) នឹងទៅចូលរួមប្រកួត ASIAN ESPORTS GAMES 2024 ដែលសហព័ន្ធនឹងបញ្ជូនកីឡា២វិញ្ញាសាគឺ MLBB FEMALE និង eFootball Mobile នៅប្រទេសថៃពី ថ្ងៃទី២៣ ដល់ថ្ងៃទី៣០ ខែវិច្ឆិកា ឆ្នាំ២០២៤ តែវិញ្ញាសា eFootball Mobile ប្រកួតដល់ថ្ងៃទី២ ខែធ្នូ ឆ្នាំ២០២៤៕
