ក្រុម Team Max បានក្លាយជាម្ចាស់ជើងឯក ពីព្រឹត្តិការណ៍ប្រកួតកីឡាអេឡិចត្រូនិកជ្រើសរើសជើងឯកថ្នាក់ជាតិ ឆ្នាំ២០២៤ វិញ្ញាសា Mobile Legends: Bang Bang ដែលទទួលបានជ័យជំនះលើកក្រុម Galaxy Legends ក្នុងលទ្ធផល ៣ទល់១ នៅវគ្គផ្ដាច់ព្រ័ត្រ កាលពីល្ងាច ថ្ងៃទី២៤ វិច្ឆិកា ២០២៤។
ព្រឹត្តិការណ៍ប្រកួតកីឡាអេឡិចត្រូនិកជ្រើសរើសជើងឯកថ្នាក់ជាតិ ឆ្នាំ២០២៤ សម្រាប់វិញ្ញាសា MLBB ដោយមានរហូតដល់ ៣៧៦ក្រុមបានធ្វើការប្រកួតជម្រុះតាម Online ចាប់ពីថ្ងៃ៨ វិច្ឆិកា ឆ្នាំ២០២៤។ ការប្រកួត Offline នៅ T..Y Center វិញ្ញាសា MLBB នៅថ្ងៃទី២៣ ដល់ ២៤ ខែវិច្ឆិកា ឆ្នាំ២០២៤
រូបមន្តនៃការប្រកួត
- វិញ្ញាសា MLBB ៖ ប្រកួតជម្រុះ Online ជ្រើសររើសយក៨ ទៅប្រកួត Offline រហូតដល់ផ្តាច់ព្រ័ត្រ។ (៧ Invited MPL & Academy T.Y)
ការប្រកួតកីឡាអេឡិចត្រូនិកជ្រើសរើសជើងឯកថ្នាក់ជាតិ ឆ្នាំ២០២៤ ប្រាក់រង្វាន់សរុបចំនួន ១៦លានរៀន ក្នុងនោះសម្រាប់រៀនវិញ្ញាសា MLBB មានប្រាក់រង្វាន់ ១២.៥ លានរៀល៖
- លេខ១៖ Team Max ទទួលបានប្រាក់រង្វាន់ ៦ លានរៀល
- លេខ២៖ Galaxy Legends ទទួលបានប្រាក់រង្វាន់ ៤លានរៀល
- លេខ៣៖ Pro E-Sport Cambodian ទទួលបានប្រាក់រង្វាន់ ២,៥លានរៀល៕
