សិល្បៈជាតិ៖ ក្រោយពីប្រកាសបេក្ខភាពទាំង២ផ្នែក មានខាងស្ត្រី និងបុរស ដែលបានជាប់នៅក្នុងកម្មវិធី Miss & Mister Supranational 2025 រួច បានធ្វើឱ្យមានការចាប់អារម្មណ៍ជាខ្លាំងព្រោះមានបេក្ខភាពស្អាតៗ ច្រើន ប៉ុន្តេអ្វីដែលកាន់តែគួរឱ្យចាប់អារម្មណ៍ថែមទៀតនោះគឺ មានស្ត្រីស្អាត៣ រូបមកពីវេទិកាប្រកួតសម្រស់នឹងក្លាយជា Mentors នៃកម្មវិធី ខណៈដែលតម្រុយមានបេក្ខភាពសក្ដិសមជាច្រើនត្រូវបានលើកយកមកបង្ហាញ។
យោងតាមដំណឹងខ្សឹបខ្សៀវខ្លះ និងតាមរយៈផេកគាំទ្របវរកញ្ញាខ្លះ គេឃើញមានការបញ្ចេញឈ្មោះអតីត Queen ពីវេទិកាប្រកួតសម្រស់ ទាំងក្នុងស្រុក និងបេក្ខភាពដែលបានចេញទៅតំណាងប្រទេសនៅលើវេទិកាអន្តរជាតិច្រើនរូប។
សម្រាប់អ្នកដែលអាចនឹងក្លាយជា Mentors នៅក្នុងកម្មវិធីប្រកួតសម្រស់នោះមាន កញ្ញា ភឹម ស្រីនោ ហៅ ណាណូ កញ្ញា រឿនណាត កញ្ញា ពេជ្រ វត្តីសារ៉ាវឌ្ឍ កញ្ញា អ៊ិន លក្ខិណា អ្នកនាង ងិន ម៉ារ៉ាឌី កញ្ញា ចន សុទិម៉ា ស្រីស្អាត សៃហ្វុន កញ្ញា សំណាង អេលីណា និង កញ្ញា កុយ អេនណា ផងដែរ។
សម្រាប់ប្រិយមិត្តអ្នកអានសារព័ត៌មានត្រយង យល់យ៉ាងណាដែរ? ប្រសិនបើឱ្យជ្រើសរើសតើនឹងរើសយកស្រីស្អាតរូបណា ជា Mentors ដែរ?
