ក្លិបបាល់ទះវិសាខា កំពុងស្ថិតនៅចំណាត់ថ្នាក់ (Ranking) លេខ១ ក្នុងចំណោមក្លិបទាំង១០ ដែលធ្លាប់មានវត្តមានក្នុងពានរង្វាន់ «តេជោលីគ» (Techo Volleyball Cambodia League) ក្រោយចុះក្នុងបញ្ជីសហព័ន្ធបាល់ទះអន្តរជាតិ FIVB ។ នេះយើងយោងតាមការចុះផ្សាយរបស់វេបសាយ volleybox។
តាមរយ:ការប្រកួតកន្លងមករបស់ក្លិបបាល់ទះវិសាខា ក្រោយចុះក្នុងបញ្ជីសហព័ន្ធបាល់ទះអន្តរជាតិ FIVB ចាប់តាំងឆ្នាំ២០១៨ ត្រូវបានផ្ដល់ពិន្ទុ ដោយគិតមកដល់ពេលនេះមាន ចំនួន ៤១.៩៥ពិន្ទុ។
ខាងក្រោមគឺជាពិន្ទុរបស់ សមាគម-ក្លិបកីឡាបាល់ទះ ចំនួនទាំង៩ ផ្សេងទៀត ក្រោយពានរង្វាន់ «តេជោលីគ» (Techo Volleyball Cambodia League) ត្រូវបានចុះក្នុងបញ្ជីសហព័ន្ធបាល់ទះអន្តរជាតិ FIVB រួមមាន÷
- សមាគមកីឡាបាល់ទះវិសាខា មាន ៤១.៩៥ពិន្ទុ
- ក្លិបបាល់ទះបញ្ជាការដ្ឋានអង្គរក្ស មាន ១ពិន្ទុ
- សមាគមកីឡាបាល់ទះក្រសួងមហាផ្ទៃ មាន 0.៥៥ពិន្ទុ
- ក្លិបបាល់ទះស្នងការដ្ឋាននគរបាលរាជធានីភ្នំពេញ មាន 0.៥៣ពិន្ទុ
- ក្លិបបាល់ទះកងពលធំអន្តរាគមន៍លេខ៣ មាន 0.៤៣ពិន្ទុ
- ក្លិបបាល់ទះស្នងការដ្ឋាននគបាលខេត្តពោធិ៍សាត់ មាន 0.៣៦ពិន្ទុ
- ក្លិបបាល់ទះស្នងការដ្ឋាននគបាលខេត្តស្វាយរៀង មាន 0.២៥ពិន្ទុ
- ក្លិបបាល់ទះស្នងការដ្ឋាននគរបាលខេត្តព្រះសីហនុ មាន 0.១៨ពិន្ទុ
- ក្លិបបាល់ទះស្នងការដ្ឋាននគរបាលខេត្តតាកែវ មាន 0.១៨ពិន្ទុ
- ក្លិបបាល់ទះស្នងការដ្ឋាននគរបាលខេត្ត មាន 0.១៦ពិន្ទុ។
ជុំវិញលទ្ធផលពិន្ទុរបស់ក្លិបទាំង ១០នៅក្នុងពានរង្វាន់ «តេជោលីគ» នេះដែរ លោកបណ្ឌិត អាំង សិរីពិសិដ្ឋ អនុប្រធាន និងជាអគ្គលេខាធិការសហព័ន្ធកីឡាបាល់ទះកម្ពុជា បានមានប្រសាសន៍ថា បន្ទាប់ពីចុះបញ្ជីនៅក្នុងប្រព័ន្ធ FIVB គ្រាប់ការប្រកួតទាំងអស់ របស់ក្លិបទាំង១០ នឹងទទួលបានពិន្ទុ ០.០៥ ក្នុងករណីឈ្នះ។ លោកបន្តថា នេះគឺជាផលចំណេញដែលសហព័ន្ធកីឡាបាល់ទះកម្ពុជា ជំរុញក៏ដូចជាលើកទឹកចិត្តអោយក្លិបនៅកម្ពុជា ចុះបញ្ជីក្នុងប្រព័ន្ធ FIVB ដើម្បីមានចំណាត់ថ្នាក់នៅក្នុងពិភពលោក៕
