ក្រុម ASEAN All-Stars (កីឡាករឆ្នើមៗប្រចាំតំបន់អាស៊ាន) ក្រោមការដឹកនាំរបស់លោក Kim Sang-sik នឹងត្រូវប្រកួតជាមួយក្រុមបាល់ទាត់បិសាចក្រហម Manchester United ក្នុងជំនួបមិត្តភាពអន្តរជាតិ នៅទឹកដីប្រទេសម៉ាឡេស៊ី នារាត្រីនេះ ក្នុងកីឡដ្ឋាន Bukit Jalil National ទីក្រុងគូឡាឡាំពួរ ប្រទេសម៉ាឡេសុី វេលាម៉ោង ៧:៤៥នាទីយប់។
កីឡាករគ្រប់បណ្ដាប្រទេសក្នុងតំបន់អាស៊ាន ដែលបានចូលរួមជាមួយក្រុម ASEAN All-Stars ក្នុងនោះមានកម្ពុជា កីឡាករ កាន់ ម៉ូ និង ខូលីបាលី អាប់ឌែល ខណ:បញ្ជីឈ្មោះកីឡាករសរុបជាផ្លូវការមានចំនួន ២៦នាក់ ដូចខាងក្រោម៖
ក្រោយបញ្ចប់លីគកំពូលអង់គ្លេស Premier League រដូវកាល ២០២៤-២៥ ក្រុមបាល់ទាត់បិសាចក្រហម Manchester United កាលពីថ្ងៃទី២៦ ឧសភា បានចេញដំណើរមកកាន់តំបន់អាស៊ានភ្លាមៗ ដើម្បីប្រកួតមិត្តភាពអន្តរជាតិជាមួយក្រុម ASEAN All Stars (កីឡាករឆ្នើមៗប្រចាំតំបន់អាស៊ាន) នៅពហុកីឡដ្ឋានជាតិ Bukit Jalil ប្រទេសម៉ាឡេស៊ី។
នេះគឺជាលើកដំបូងក្នុងរយ:ពេល១៦ឆ្នាំចុងក្រោយ ដែលក្រុមបាល់ទាត់បិសាចក្រហម Manchester United នឹងធ្វើដំណើរទៅប្រកួតមិត្តភាពអន្តរជាតិសារជាថ្មីនៅប្រទេសម៉ាឡេស៊ី ដោយប្រកួតលើកចុងក្រោយគឺនៅឆ្នាំ ២០០៩ បានយកឈ្នះក្រុមជម្រើសជាតិម៉ាឡេស៊ី ២ដងក្នុងលទ្ធផល ៣-២ នៅថ្ងៃទី១៨ ខែកក្កដា និងលទ្ធផល ២-០ នៅថ្ងៃទី២០ ខែកក្កដា។
ចំពោះសមាជិកចុងក្រោយរបស់ Premier League ដែលប្រកួតមិត្តភាពអន្តរជាតិនៅប្រទេសម៉ាឡេស៊ី គឺក្រុម Liverpool កាលពីឆ្នាំ ២០១៥ ដោយបញ្ចប់លទ្ធផលស្មើគ្នា ១-១៕
