ក្រុមបាល់ទាត់ Paris Saint-Germain មកពីបារាំង នឹងត្រូវជួបក្រុមបាល់ទាត់ Tottenham Hotspur មកពីអង់គ្លេស ក្នុងពានរង្វាន់មុនបើករដូវកាលថ្មីប្រចាំទ្វិបអ៉ឺរ៉ុប 2025 UEFA Super Cup ដែលនឹងត្រូវធ្វើឡើង នៅថ្ងៃទី៣១ ខែសីហា ឆ្នាំ២០២៥។
ពានរង្វាន់មុនបើករដូវកាលថ្មីប្រចាំទ្វិបអ៉ឺរ៉ុប UEFA Super Cup បង្កើតឡើងដើម្បីឱ្យក្រុមដែលជាម្ចាស់ជើងឯកពានរង្វាន់ប្រចាំទ្វីបអឺរ៉ុប លំដាប់ទី១ និងលំដាប់ទី២ ជួបគ្នាដើម្បីត្រៀមបើកការប្រកួតរដូវកាលថ្មី។
ក្រុមបាល់ទាត់ Paris Saint-Germain មានក្លាយជាម្ចាស់ជើងឯក នៃពានរង្វាន់លំដាប់ទី១ ប្រចាំទ្វីបអឺរ៉ុប UEFA Champions League រដូវកាល ២០២៤-២៥ ក្រោយយកឈ្នះក្រុមបាល់ទាត់ Inter Milan មកពីអ៉ីតាលី នៅវគ្គផ្ដាច់ព្រ័ត្រ ក្នុងលទ្ធផល ៥-០។
ខណ: ក្រុមបាល់ទាត់ Tottenham Hotspur បានក្លាយជាម្ចាស់ជើងឯក នៃពានរង្វាន់លំដាប់ទី២ ប្រចាំទ្វីបអឺរ៉ុប UEFA Europa League រដូវកាល ២០២៤-២៥ ក្រោយយកឈ្នះ ក្រុមបាល់ទាត់ Manchester United ក្នុងលទ្ធផល ១-០ វគ្គផ្តាច់ព្រ័ត្រ។
គួរបញ្ជាក់ថា ពានរង្វាន់មុនបើករដូវកាលថ្មីប្រចាំទ្វិបអ៉ឺរ៉ុប UEFA Super Cup បង្កើតឡើងដំបូងនៅឆ្នាំ១៩៧៣ ដោយក្រុមបាល់ទាត់ AFC Ajax គឺជាម្ចាស់ជើងឯក ស្របពេល Real Madrid ធ្លាប់ឈ្នះជើងឯកច្រើនជាងគេ ៦លើក Barcelona និង AC Milan ឈ្នះបាន ៥លើក Liverpool បាន ៤លើក Atlético Madrid បាន ៣លើក៕
