ក្រុមកីឡាករអេឡិចត្រូនិក CFU Gaming បានក្លាយជាម្ចាស់ជើងឯកព្រឹត្តិការណ៍ប្រកួតកីឡាអេឡិចត្រូនិកអន្តរជាតិប្រចាំតំបន់អាស៊ាន Exprez Mekong Warrior Invitations 2025 ក្រោយយកឈ្នះលើកក្រុម PRO Esports នៅវគ្គផ្ដាច់ព្រ័ត្រក្នុងលទ្ធផល ៣-១ កាលពីល្ងាចថ្ងៃទី៦ កក្កដា ២០២៥ នៅមជ្ឈមណ្ឌលកីឡាអេឡិចត្រូនិក T.Y Media Esports Center (ផ្លូវ៦០ម៉ែត្រ)។
នេះគឺជាជ័យជម្នះជាម្ចាស់ជើងឯកលើកដំបូងរបស់ក្រុម CFU Gaming ក្នុងពានរង្វាន់អន្តរជាតិដែលមាន ៤ប្រទេសចូលរួមប្រកួតប្រជែង រួមមាន៖ កម្ពុជា សិង្ហបុរី វៀតណាម និង ឡាវ។
ការប្រកួតវគ្គ ៨ ក្រុមចុងក្រោយដែលកម្ពុជាទទួលធ្វើម្ចាស់ផ្ទះ រួមមាន៖
- ក្រុម CFU Gaming កម្ពុជា
- ក្រុម Galaxy Legends កម្ពុជា
- ក្រុម PRO Esports កម្ពុជា
- ក្រុម Team Flash KH កម្ពុជា
- ក្រុម Team Max កម្ពុជា
- ក្រុម Leon Esports ឡាវ
- ក្រុម Legion Esports វៀតណាម
- ក្រុម RSG Singapore សិង្ហបុរី
**បញ្ចប់ការប្រកួតសម្រាប់ចំណាត់ថ្នាក់ក្រុមទទួលបានរួមមាន៖
ម្ចាស់ជើងឯក បានទៅលើក្រុម CFU Gaming ទទួលបានប្រាក់រង្វាន់ ៦ ពាន់ដុល្លារ ពាន ១
ជើងឯករង បានទៅលើក្រុម PRO Esports ទទួលបានប្រាក់រង្វាន់ ៣ ពាន់ដុល្លារ
ចំណាត់ថ្នាក់លេខ៣ បានទៅលើក្រុម Galaxy Legends ទទួលបានប្រាក់រង្វាន់ ២ ពាន់ដុល្លារ
សូមរំលឹកថា បន្ទាប់ពីជ័យជម្នះលើកនេះក្រុម CFU Gaming នាមជាម្ចាសជើងឯក MPL KH នឹងតំណាងកម្ពុជា ទៅចូលរួមប្រកួតប្រជែងក្នុងព្រឹត្តិការណ៍ MLBB Mid Season Cup 2025 ហៅកាត់ MSC ដែលនឹងត្រូវរៀបចំឡើងនៅទីក្រុង Riyadh ប្រទេស អារ៉ាប់ប៊ីសាអ៊ូឌីត ចាប់ពីថ្ងៃទី១០ ខែកក្កដា រហូតដល់ថ្ងៃទី២ ខែសីហា ឆ្នាំ២០២៥ ខណ:ប្រាក់រង្វាន់សម្រាប់ម្ចាស់ជើងឯក នឹងទទួលបាន ១លានដុល្លារអាមេរិក។
ដោយមានការគាំទ្រពីសហព័ន្ធកីឡាអេឡិចត្រូនិកកម្ពុជា ក្រុមហ៊ុន ខ្មែរ ប៊ែរវើរីជីស សហការជាមួយក្រុមហ៊ុន T.Y Media បានរៀបចំនូវព្រឹត្តិការណ៍អន្ដរជាតិដ៏ធំ Exprez Mekong Warrior Invitations 2025 លើកដំបូងនៅកម្ពុជា ដែលមាន ៤ប្រទេស ចូលរួមប្រជែងពាន។
គួរបញ្ជាក់ថា ការប្រកួតពានរង្វាន់ Exprez Mekong Warrior Invitations 2025 ក្រុមលេខ១ ទទួលបានប្រាក់រង្វាន់ ៦ ពាន់ដុល្លារ លេខ ២ ទទួលបាន ៣ ពាន់ដុល្លារ និងលេខ៣ ទទួលបាន ២ ពាន់ដុល្លារ ហើយក្រុមលេខ ៤ ដល់លេខ ៨ ក៏ទទួលបានប្រាក់ឧបត្ថម្ភដែរ។ ការប្រកួតវគ្គ ៨ក្រុមនឹងផ្ដើមពីថ្ងៃទី៣ ដល់ថ្ងៃទី៦ កក្កដា ឆ្នាំ២០២៥ ដើម្បីរកឃើញម្ចាស់ជើងឯក នៅមជ្ឈមណ្ឌលកីឡាអេឡិចត្រូនិក T.Y Media Esports Center (ផ្លូវ៦០ម៉ែត្រ)៕
