ក្រុមបាល់ទាត់នារីភ្នំពេញក្រោន ដែលជាម្ចាស់ជើងឯកលីគនារី ឆ្នាំ២០២៤-២៥ គឺជាក្រុមបាល់ទាត់នារីទីមួយ ដែលតំណាងក្លិបពីកម្ពុជា ចូលរួមលេងក្នុងពានរង្វាន់ប្រចាំទ្វីបអាស៊ី AFC Women’s Champions League 2025/26។
ក្នុងនោះក្រុមបាល់ទាត់នារីភ្នំពេញក្រោន ស្ថិតនៅពូល E ជាមួយក្រុម Kitchee របស់ហុងកុង និងក្រុម East Bengal របស់ឥណ្ឌា។ ខណ:នៅរាត្រីនេះភ្នំពេញក្រោន នឹងត្រូវបើកទ្វាពហុកីឡដ្ឋានជាតិអូឡាំពិក ដើម្បីទទួលក្រុមភ្ញៀវ East Bengal របស់ឥណ្ឌា
ប្រកួតទី២ នឹងត្រូវជួបក្រុម Kitchee របស់ហុងកុង នៅថ្ងៃទី២៨ សីហា ខណ:ប្រកួតចុងក្រោយ ក្រុម East Bengal របស់ឥណ្ឌា ជួបក្រុម Kitchee ក្នុងវគ្គជម្រុះពានរង្វាន់ប្រចាំទ្វីបអាស៊ី AFC Women’s Champions League 2025/26 — Preliminary Stage។
សម្រាប់ដែលមានពិន្ទុខ្ពស់ជាងគេមួយក្រុម នឹងឡើងទៅកាន់វគ្គចែកពូល ដែលនឹងទទួលបានកញ្ចក់ទឹកប្រាក់ ១០ម៉ឺនដុល្លារ ក្នុងការឈានដល់វគ្គ Group stageនេះ ទទួលបាន ៨ម៉ឺនដុល្លាបន្ថែមទៀតប្រសិនបើឡើងដល់វគ្គពាក់កណ្តាលផ្តាច់ព្រ័ត្រ និងវគ្គផ្ដាច់ព្រ័ត្របាន ១២ម៉ឺនដុល្លារ។ ខណ:ម្ចាស់ជើងឯកបានប្រាក់រង្វាន់ ១លានដុល្លារ ជើងឯករងបាន ៥០ម៉ឺនដុល្លារ។
ពានរង្វាន់ AFC Women’s Champions League បង្កើតឡើងដំបូងនៅរដូវកាលឆ្នាំ២០២៤-២៥ មានក្រុមមកពី ២១ប្រទេសចូលរួមប្រកួតប្រជែង។ ការប្រកួតមាន ៣ដំណាក់កាលគឺ វគ្គជម្រុះ Preliminary stage វគ្គ Group stage និងវគ្គ Knockout stage។
នៅរដូវកាលដំបូងឆ្នាំ២០២៤-២៥ ក្រុមបាល់ទាត់នារី Wuhan Jiangda របស់ប្រទេសចិន បានក្លាយជាម្ចាស់ជើងឯកក្រោយយកឈ្នះក្រុម Melbourne City របស់អូស្ត្រាលី កាលពីថ្ងៃទី២៤ ខែឧសសភា ក្នុងមជ្ឈមណ្ឌល Wuhan Sports Center ប្រទេសចិន។
គួរបញ្ជាក់ថា ក្រុមនារីភ្នំពេញក្រោន ក្លាយជាម្ចាស់ជើងឯក នៃពានរង្វាន់ជើងឯកលីគនារីកម្ពុជា Cambodian Women League 2024-25 ក្រោយយកឈ្នះ ក្រុមនារីវិសាខា នៅវគ្គផ្ដាច់ព្រ័ត្រ ក្នុងលទ្ធផល ២-០ នាល្ងាចថ្ងៃទី៨ កុម្ភ: នៅក្នុងកីឡដ្ឋានកងយោធពលខេមរភូមិន្ទ (ស្តាតចាស់)៕
