កម្លាំងអាវុធហត្ថរាជធានីភ្នំពេញសហការជាមួយអាវុធហត្ថខណ្ឌពោធិ៍សែនជ័យ ឆ្មក់បង្ក្រាបទីតាំងហាងម៉ាស្សាកោសជប់ពីរទីតាំងជាប់គ្នាដែលបង្កប់សេវាជួញដូរផ្លូវភេទ ឃាត់ខ្លួននារីបម្រើការម៉ាស្សាបានចំនួន៧នាក់ យកទៅកងរាជអាវុធហត្ថរាជធានីភ្នំពេញ ដេីម្បីធ្វេីការសាកសួរ និងបន្តតាមនីតិវិធីច្បាប់។
ប្រតិបត្តិការធ្វេីឡេីងនៅវេលាម៉ោង៨:៤៥នាទីយប់ ថ្ងៃទី៣០ ខែកញ្ញា ឆ្នាំ២០២៥ ស្ថិតតាមបណ្ដោយផ្លូវបេតុងអមផ្លូវរថភ្លើង(ឈូកវ៉ា២) សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ។
បើតាមប្រភពពីកម្លាំងអាវុធហត្ថបានអោយដឹងថា អាវុធហត្ថក្រុងភ្នំពេញសហការជាមួយអាវុធហត្ថខណ្ឌពោធិ៍សែនជ័យ បានឆ្មក់ចូលទីតាំងហាងម៉ាស្សាពីរទីតាំង ទី១ឈ្មោះ ម៉ាស្សាកោសជប់១១១១ហេងហេង ទី២ឈ្មោះ ម៉ាស្សាកោសជប់៧៧៧៧ ដោយសង្ស័យបង្កប់សេវាផ្លូវភេទ នឹងបានឃាត់ខ្លួននារី៧នាក់ យកទៅសាកសួរនៅអាវុធហត្ថក្រុងភ្នំពេញ។ចំណែកទីតាំងខាងលើអាវុធហត្ថបានបិទជាបណ្ដោះអាសន្ន។
អត្ថបទ៖ត្រយងតូច
