កីឡាករបរទេស ចំនួន៤រូប ដែលកំពុងតែប្រកបអាជីពនៅលីគកំពូលកម្ពុជា ត្រូវបានប្រទេសកំណើតរបស់ខ្លួនកោះហៅ ដើម្បីទៅចូលរួមត្រៀមបង្ហាញខ្លួនក្នុងការប្រកួតនានា អំឡុងថ្ងៃ FIFA Days ។
នេះជាកីឡាករដែលត្រូវបានជម្រើសជាតិរបស់ខ្លួនកោះហៅ៖
ទី១ ខ្សែបម្រើ Bounphachan Bounkong សមាជិករបស់ក្រុមព្រះខ័នរាជស្វាយរៀង ត្រូវបានជម្រើសជាតិឡាវ កោះហៅ ត្រៀមចូលរួមសម្រាប់ពានរង្វាន់ប្រចាំទ្វីប Aafc Asian Cup Saudi Arabia 2027 Qualifiers ដោយត្រូវប្រកួតប៉ះក្រុមជម្រើសជាតិម៉ាឡេស៊ី នៅថ្ងៃទី៩ ខែតុលា នៅជើងទី១ និងជើងទី២នៅថ្ងៃទី១៤ ខែតុលា ខាងមុខនេះ។
ទី២ កីឡាករ Laken Limbu សមាជិករបស់ក្រុមគិរីវង់សុខសែនជ័យ ត្រូវបានជម្រើសជាតិនេប៉ាល់ កោះហៅ ត្រៀមចូលរួមសម្រាប់ពានរង្វាន់ប្រចាំទ្វីប Aafc Asian Cup Saudi Arabia 2027 Qualifiers ដោយត្រូវប្រកួតប៉ះក្រុមជម្រើសជាតិវៀតណាម នៅថ្ងៃទី៩ ខែតុលា នៅជើងទី១ និងជើងទី២ នៅថ្ងៃទី១៤ ខែតុលា ខាងមុខនេះ។
ទី៣ ខ្សែការពារ Vitālijs Jagodinskis សមាជិករបស់ក្រុមវិសាខា ត្រូវបានជម្រើសជាតិឡេតូនី កោះហៅត្រៀមចូលរួមសម្រាប់ពានរង្វាន់ប្រចាំទ្វីប FIFA World Cup 2026 ដោយត្រូវប្រកួតប៉ះក្រុមជម្រើសជាតិអង់ដូរ៉ា នៅថ្ងៃទី៩ ខែតុលា និងប្រកួតទី២ ត្រូវប៉ះក្រុមជម្រើសជាតិអង់គ្លេស នៅថ្ងៃទី១៤ ខែតុលា ខាងមុខនេះ។
ទី៤ អ្នកចាំទី Georgino Mendonça សមាជិករបស់ក្រុមឡាយហ្វ ខេត្តព្រះសីហនុ ត្រូវបានជម្រើសជាតិទីម័រខាងកើត កោះហៅ ត្រៀមចូលរួមសម្រាប់ពានរង្វាន់ប្រចាំទ្វីប Aafc Asian Cup Saudi Arabia 2027 Qualifiers ដោយត្រូវប្រកួតប៉ះក្រុមជម្រើសជាតិហ្វីលីពីន នៅថ្ងៃទី៩ ខែតុលា នៅជើងទី១ និងជើងទី២នៅថ្ងៃទី១៤ ខែតុលា ខាងមុខនេះ។
