កាលពីថ្ងៃទី១៦ តុលា កន្លងទៅ ក្រុមការងារ គ្រូបង្វឹក និងក្រុមកីឡាករយុវជនរបស់ក្លិបបាល់ទាត់វិសាខា បានធ្វើដំណើរទោទស្សនកិច្ចនៅរោងចក្រ របស់ក្រុមហ៊ុនភេសជ្ជៈ Yeo’s ដែលជាផលិតផល ផលិតនៅប្រទេសកម្ពុជា។
លោក មាស ចាន់ណា នាយកបច្ចេកទេស របស់ក្លិបបាល់ទាត់វិសាខា ដែលបានដឹកនាំក្រុមកីឡាករទៅទស្សនារោងចក្រផ្ទាល់បានមានប្រសាសន៍ថា៖ អ្វីដែលលោកចាប់អារម្មណ៍ខ្លាំងបំផុតគឺនៅទីនេះមានបុគ្គលិកសុទ្ធសឹងតែជាជនជាតិខ្មែរ នេះគឺជាមោទនភាពមួយ។
លោក មាស ចាន់ណា បានមានប្រសាសន៍បន្ថែមថា ការចាប់ដៃគ្នារវាងក្លិបបាល់ទាត់វិសាខា និងវិស័យឯកជននេះ និងមានភាពយូអង្វែង មិនត្រឹមតែក្លិប ថែមទាំងការអភិវឌ្ឍយុវជនថ្នាក់។ លោកសង្ឃឹមថា នៅថ្ងៃណាមួយការសហការនេះ អាចនឹងមានការរៀបចំពានរង្វាន់ថ្មីមួយឡើង ដែលផ្ដោតទៅលើការប្រកួតប្រជែងសម្រាប់ថ្នាលយុវជន។
ឆ្លើតបតាមការលើកឡើងរបស់លោកគ្រូ មាស ចាន់ណា លោកស្រី ហេង សុទ្ធាវី អគ្គនាយិកាក្រុមហ៊ុន វ៉ាយ អេច អេស (ខេមបូឌា) ហ៊្វូដ & បេវើរីច បានមានប្រសាសន៍ថា បច្ចុប្បន្នក្រុមហ៊ុនកំពុងតែ សិក្សាជាមួយក្លិបបាល់ទាត់វិសាខា ក្នុងការបង្កើពានរង្វាន់សម្រាប់ថ្នាក់យុវជន ក្រោយអាយុ ១៤ឆ្នាំ ដែលនឹងធ្វើឡើងនៅអំឡុងចុងឆ្នាំ២០២៥ នេះ ។
លើកពីនេះ លោកស្រី ហេង សុទ្ធាវី ក៏បានបញ្ជាក់បន្ថែមថា ការសហការជាមួយក្លិបបាល់ទាត់វិសាខា ក៏ជាផ្លែកមួយនៅក្នុងយទ្ធសាស្រ្តរបស់ក្រុមហ៊ុន សម្រាប់ឆ្នាំ២០២៦ខាងមុខ ដែលមានកញ្ចប់ថវិការ ក្នុងការចូលរួមពង្រឹងដល់ការអភិវឌ្ឍថ្នាក់យុវជនតូចៗ។
ជុំវិញ ការរៀបចំពានរង្វាន់សម្រាប់យុវជន អាយុក្រោម ១៤ឆ្នាំ លោកគ្រូ មាស ចាន់ណា ក៏បានបញ្ជាក់កថា ក៏កំពុងសិក្សាជាមួយក្រុមដៃគូ ភេសជ្ជៈ Yeo’s ដែលជាការប្រកួតពានលើកទី២ គ្រោងមាន ៨ក្រុមចូលរួម នឹងចាប់ផ្ដើមនៅចុងខែ ១១ ឆ្នាំ២០២៥នេះ។
សូមរំលឹកថា កាលពីរសៀលថ្ងៃទី២៩ ខែសីហា ឆ្នាំ២០២៥ ក្លិបកីឡាបាល់ទាត់ វិសាខា និងក្រុមហ៊ុនភេសជ្ជៈ Yeo’s បានចុះហត្ថលេខាលើអនុស្សារណៈនៃការយោគយល់គ្នា ស្ដីពីកិច្ចសហប្រតិបត្តិការរយៈពេល ១ឆ្នាំ ដែលជាការរួមចំណែកថ្មីមួយទៀត ដើម្បីជំរុញការអភិវឌ្ឍចក្ខុវិស័យក្លិប ក៏ដើម្បីជំរុញការអភិវឌ្ឍក្លិបឆ្ពោះទៅការប្រកួតប្រជែង និងការអភិវឌ្ឍធនធានកីឡាករវ័យក្មេង ព្រមទាំងកម្មវិធីផ្សេងៗជាច្រើនទៀត លើសពីកីឡា ដែលភាគីទាំងពីរ នឹងពិភាក្សាគ្នារៀបចំនាថ្ងៃមុខ៕
